ആസിഫ് അലി, റോഷൻ മാത്യു എന്നിവരെ കേന്ദ്ര കഥാപാത്രങ്ങളാക്കി സിബി മലയിൽ ഒരുക്കുന്ന ചിത്രമാണ് ‘കൊത്ത്’. തീവ്രമായ കാഴ്ച്ചപ്പാടുകൾ വച്ചുപുലർത്തുന്ന രണ്ടു ചെറുപ്പക്കാരുടെ കഥയാണ് സിനിമ പറയുന്നത്. കുടുംബ ബന്ധങ്ങളുടെയും സൗഹൃദത്തിൻ്റെയും പശ്ചാത്തലത്തിലൂടെ ശക്തമായ സാമൂഹ്യ വിഷയം അവതരിപ്പിക്കുകയാണ് ഈ ചിത്രം.
കഴി‍ഞ്ഞ ദിവസമാണ് സിനിമയിലെ ‘തേൻ തുള്ളി’ എന്ന് തുടങ്ങുന്ന ഗാനത്തിന്റെ ലിറിക് വീഡിയോ പുറത്തിറങ്ങിയത്. മികച്ച പ്രതികരണമാണ് ഗാനത്തിന് ലഭിക്കുന്നത്. ഇതിനോടകം തന്നെ പ്രേക്ഷകർ ഗാനം ഏറ്റെടുത്തു കഴിഞ്ഞു. റിലീസ് ചെയ്ത് മണിക്കൂറുകൾക്കകം തന്നെ നിരവധി പേരാണ് യൂട്യൂബിൽ ഗാനം കണ്ടത്.
Also Read: ഗൗതം മോനോൻ – ചിമ്പു കൂട്ടുകെട്ട്: വെന്ത് തണിന്തത് കാട് തിയേറ്ററുകളിൽ
സംവിധായകനും തിരക്കഥാകൃത്തും നടനുമായ രഞ്ജിത്തും, പി.എം. ശശിധരനും ചേർന്ന് ഗോൾഡ് കോയിൻ മോഷൻ പിക്‌ചേഴ്‌സിന്റെ ബാനറിലാണ് ഈ ചിത്രം നിർമ്മിക്കുന്നത്. നിഖിലാ വിമലാണ് നായികയായെത്തുന്നത്. രഞ്ജിത്ത് ഈ ചിത്രത്തിൽ സുപ്രധാനമായ മറ്റൊരു പ്രധാന കഥാപാത്രത്തെ അവതരിപ്പിക്കുന്നു. വിജിലേഷ്, ശ്രീലഷ്മി, ശ്രിനിത്ത് രവി, ശിവൻ സോപാനം, അതുൽ രാംകുമാർ, ദിനേശ് ആലപ്പി എന്നിവരും നിരവധി പുതുമുഖങ്ങളും ഈ ചിത്രത്തിൽ അണിനിരക്കുന്നു.
Post Your Comments