കലോൽസവ ഭക്ഷണത്തിൽ വീണ്ടും വെജ് വിഭവങ്ങൾ മാത്രമേ ഉണ്ടാവുകയുള്ളൂ എന്ന് മന്ത്രി ശിവൻകുട്ടി പ്രഖ്യാപിച്ചു, നോൺവെജ് വിഭവങ്ങൾ ചേർത്താണ് ഭക്ഷണം നൽകുക എന്ന മന്ത്രിയുടെ തന്നെ വാക്കുകളെ തിരുത്തിയാണ് പുതിയ നിലപാടുമായി എത്തിയത്. കോഴിക്കോട്ടെ പാലസ്തീൻ ഐക്യദാർഡ്യ സമ്മേളനത്തോടെ മുസ്ലിം ഹെജിമണിക്ക് ഒരു ഇടവേളയായി, ഇനി നമ്മുടെ കൂട്ടത്തിൽ തന്നെയുള്ള ഏത് ബുദ്ധിജീവികൾ കുറ്റപ്പെടുത്തിയാലും പഴയിടം നമ്പൂതിരിയുടെ തലയിൽ മാത്രം വീഴുന്ന ബ്രാമണിക്കൽ ഹെജിമണിയുടെ കളിയാണ് എന്നാണ് പരിഹസിച്ച് ഹരീഷ് പേരടി കുറിച്ചത്.
കുറിപ്പ് വായിക്കാം
കോഴിക്കോട്ടെ പാലസ്തീൻ ഐക്യദാർഡ്യ സമ്മേളനത്തോടെ മുസ്ലിം ഹെജിമണിക്ക് ഒരു ഇടവേളയായി, ഇനി നമ്മുടെ കൂട്ടത്തിൽ തന്നെയുള്ള ഏത് ബുദ്ധിജീവികൾ കുറ്റപ്പെടുത്തിയാലും പഴയിടം നമ്പൂതിരിയുടെ തലയിൽ മാത്രം വീഴുന്ന ബ്രാമണിക്കൽ ഹെജിമണിയുടെ കളിയാണ്.
കാരണം പേരുകൾ നമുക്ക് ഇന്ന് അറിയാതെ വീണുകിട്ടിയ വലിയ ഒരു ആയുധമാണ്, ഇന്നലെതന്നെ ഷമീം വെറും ഷമീമല്ലാതെ മുഹമ്മദ് ഷമീം ആയതുകൊണ്ടാണ് നമ്മൾ ആ മുസ്ലിം ക്രിക്കറ്റ് ഇര വാദം ആഘോഷിച്ചത്. അതുപോലെ തന്നെയാണ് പഴയിടം വെറും പഴയിടമല്ല മൊത്തം ഹിന്ദുക്കളെയും വീഴ്ത്താവുന്ന വെജിറ്റേറിയൻ സദ്യയെന്ന ഇര വാദത്തിന്റെ ബ്രാൻഡ് അംബാസിഡറായ നമ്പൂതിരിയാ.
അത് നമ്മൾ വിട്ടു കളയരുത്, ക്രിസ്തുമസ്സിനുള്ള ഹെജിമണിക്കുള്ള പേരുകൾ ആലോചനയിലാണ്, ഈ മത ഹെജിമണിക്കുവേണ്ടിയുള്ള മണിയടിയില്ലാതെ നമുക്ക് മുന്നോട്ട് പോവാൻ പറ്റില്ല, കാരണം നമ്മുടെ മനസ്സിൽ വർഗ്ഗീയത ഇല്ലല്ലോ, പക്ഷെ നാട്ടുകാർ മുഴുവൻ വർഗ്ഗീയതയിൽ നീന്തിതുടിക്കുകയാണ്, നമ്മൾ എന്തുചെയ്യും?, പിന്നെ മാധ്യമ പ്രവർത്തകർ, അവരെ നമ്മൾ മാപ്രാ എന്ന അക്ഷരത്തിലേക്ക് എന്നോ ഒതുക്കിയല്ലോ, ഇനി ഒരു പ്രത്യേക ഇരിപ്പടം കൊടുത്ത് ആദരിക്കാം.
Post Your Comments