മലയാളികളുടെ വാനമ്പാടി കെ എസ് ചിത്ര മകൾക്കായി എഴുതിയ പിറന്നാൾ കുറിപ്പാണ് ഇപ്പോൾ സോഷ്യൽ മീഡിയയിൽ തരംഗമായിരിക്കുന്നത്. ചിത്രയുടെയും വിജയ ശങ്കറിന്റെയും മകൾ ആയ നന്ദന ഓർമ്മയായിട്ട് വർഷങ്ങൾ കഴിഞ്ഞിട്ടും ഇന്നും ഇരുവരുടെയും ഉള്ളിൽ മകൾ വളർന്നു കൊണ്ടിരിക്കുകയാണ്.അതിന് തെളിവാണ് മകൾ നന്ദനയുടെ പിറന്നാൾ ദിനമായ ഇന്ന് ചിത്ര എഴുതിയ കുറിപ്പ്.
ഇന്ന് ഞങ്ങളുടെ മനസ്സിൽ നിന്നെ പറ്റിയുള്ള പല ഓർമ്മകളും മിന്നുന്നു. ഞങ്ങൾ നിന്നെ ഒരുപാട് സ്നേഹിക്കുന്നു, അതിലേറെ മിസ് ചെയ്യുന്നു മോളെ.. ഞങ്ങളുടെ പ്രിയപ്പെട്ട നന്ദന നിനക്ക് സ്വർഗ്ഗത്തിൽ നല്ലൊരു ജന്മദിനം ആശംസിക്കുന്നു. എന്നാണ് ചിത്രയുടെ കുറിപ്പ്. ചിത്രയുടെ വാക്കുകൾ വായിച്ചെടുക്കുന്ന ഓരോരുത്തരുടെ മനസ്സിലും അല്പം നൊമ്പരമുണ്ടാകും. വിടരും മുൻപേ പൊലിഞ്ഞ നന്ദന കുട്ടിയ്ക്ക് പിറന്നാൾ ആശംസയുമായി നിരവധിയാളുകളാണ് രംഗത്ത് വരുന്നത്.
പതിനഞ്ചുവർഷത്തെ കാത്തിരിപ്പിനൊടുവിൽ ആയിരുന്നു ചിത്രയ്ക്കും ഭർത്താവിനും നന്ദനയെ ലഭിച്ചത്. എന്നാൽ 2011 ഏപ്രിൽ 14-ന് ദുബായിലെ എമിരേറ്റ്സ് ഹില്ലിലുള്ള നീന്തൽക്കുളത്തിൽ വീണാണ് നന്ദന ലോകത്തോട് വിട പറഞ്ഞത്.
Post Your Comments