രേഷ്മയായ് മലയാളികളെ രസിപ്പിച്ച അമല അക്കിനേനി മറ്റൊരു ശക്തമായ കഥാപാത്രവുമായ് വീണ്ടും

കമൽ സംവിധാനം ചെയ്ത ഉള്ളടക്കം എന്ന ചിത്രത്തിലൂടെ മലയാളികൾക്ക് സുപരിചിതയായി മാറിയ അമല അക്കിനേനി കരുത്തുറ്റ ഒരു വേഷത്തില്‍ അഭിനയിക്കുന്നുവെന്നതാണ് പുതിയ വാര്‍ത്ത. തെന്നിന്ത്യൻ സിനിമ പ്രേക്ഷകരുടെ പ്രിയപ്പെട്ട നടിയാണ് അമല അക്കിനേനി. കെയ്റ് ഓഫ് സൈറാ ബാനു ആണ് ഏറ്റവും ഒടുവില്‍ അഭിനയിച്ച മലയാള ചിത്രം. ഇന്ത്യൻ ബാഡ്‍മിന്റണ്‍ ചാമ്പ്യനും ടീം ഇന്ത്യയുടെ പരിശീലക മേധാവിയുമായ പുല്ലേല ഗോപിചന്ദിന്റെ ജീവചരിത്രം പറയുന്ന സിനിമയിലാണ് അമല അക്കിനേനി അഭിനയിക്കുക.

ഗോപിചന്ദിന്റെ അമ്മയായ സുബ്ബരാവമ്മയുടെ വേഷത്തിലാണ് അമല അഭിനയിക്കുക. ഗോപിചന്ദിനെ ചാമ്പ്യൻ താരമാക്കുന്നതില്‍ നിർണായക പങ്കുവഹിച്ചിരുന്ന ആളായിരുന്നു അമ്മയായ സുബ്ബരാവമ്മ. സുധീര്‍ ബാബുവാണ് ഗോപിചന്ദ് ആയി അഭിനയിക്കുന്നത്. തെലുങ്കിലും തമിഴിലും ഹിന്ദിയിലുമായിട്ടാണ് ചിത്രം പ്രദർശനത്തിനെത്തുന്നത്.