പ്രേക്ഷകർക്ക് ഏറെ പ്രിയപ്പെട്ട റിയാലിറ്റി ഷോയാണ് ടോപ് സിംഗർ. കുട്ടി കുരുന്നുകൾ മാറ്റുരയ്ക്കുന്ന വേദി. ചെറുപ്രായത്തിൽ തന്നെ കുട്ടികൾക്കുള്ള സംഗീതത്തിന്റെ അഭിനിവേശം വളർത്താൻ സഹായിക്കുന്ന ഒരു വേദിയായാണ് ടോപ് സിംഗറിനെ മലയാളി പ്രേക്ഷകർ കാണുന്നത്. വേദിയിൽ അതിഥികളായി സിനിമ താരങ്ങൾ എത്തുക പതിവാണ്. ഇത്തവണ മൈ സാന്റയുടെ പ്രമോഷന്റെ ഭാഗമായി ജനപ്രിയ നായകൻ ദിലീപാണ് വേദിയിൽ എത്തിയത്.
ദിലീപ് പരിപാടിയിൽ പങ്കെടുക്കാൻ എത്തിയതിന്റെ പ്രമോ വീഡിയോ ചാനൽ പുറത്ത് വിട്ടിരുന്നു. ഇതിനെതിരെയാണ് ഇപ്പോൾ സോഷ്യൽ മീഡിയയിൽ ചിലർ പ്രതിഷേധം അറിയിക്കുന്നത്. ചാനലിന്റെ റീച്ചിനായി ദിലീപിനെ പോലെയുള്ളവരെ കൊണ്ട് വരരുതായിരുന്നു എന്നാണ് ചിലർ കമന്റുകൾ പങ്ക് വയ്ക്കുന്നത്. ടോപ് സിംഗർ വളരെ ആസ്വദിച്ചു കാണുന്ന പരിപാടിയാണ്. ഈ എപ്പിസോഡുകൾ ഒഴിച്ച് എല്ലാം ആസ്വദിച്ചിട്ടുണ്ട്. ജനപ്രിയനല്ല ഇപ്പോൾ ഈ നടൻ.അയാളുടെ ഫാൻസിനൊഴിച്ച് മറ്റാർക്കും അയാൾ ജനപ്രിയനായി തോന്നുകയുമില്ല. ഇയാളെപ്പോലുള്ളവരെ എഴുന്നെള്ളിച്ച് കൊണ്ടുവരുന്നത് കാണുമ്പോൾ വാസ്തവത്തിൽ വെറുപ്പ് തന്നെയാണ് തോന്നുന്നത്. ക്രിമിനലുകളെ കൊണ്ടുവന്ന്, കുഞ്ഞുങ്ങളുടെ നിഷ്കളങ്കതയും, ടോപ് സിംഗറിന്റെ കീർത്തിയും നശിപ്പിക്കരുത് എന്ന ഒരപേക്ഷയുണ്ട്.
ഇത്രയും ചീത്തപ്പേര് സിനിമ മേഖലക്ക് ഉണ്ടാക്കിയ വ്യക്തി വേറേയില്ല ചാനലുകളിൽ വരുന്നതിന് പല ലക്ഷ്യങ്ങളും താൽപര്യങ്ങളും ഉണ്ട് നിയമം ശിക്ഷിച്ചാലും ഇല്ലങ്കിലും ജനങ്ങൾ ദിലീപിനെ സ്വീകരിക്കില്ല. അയാളുടെ ഇമേജ് കാവ്യയെ കല്യാണം കഴിച്ചപ്പോൾ തീർന്നു. ദിലീപിനെ സപ്പോർട് ചെയ്യുന്നവരെ അയാളുടെ പിണിയാളന്മാറായിരിക്കും. എന്ന് തുടങ്ങി നിരവധി കമന്റുകളാണ് വീഡിയോയിൽ നിറയുന്നത്.
അതേസമയം ദിലീപിനെ അനുകൂലിച്ചും നിരവധിയാളുകൾ എത്തുന്നുണ്ട്.നമ്മൾ ഒരു നടനെ വിലയിരുത്തേണ്ടത് അദ്ദേഹത്തിന്റെ ഫാമിലി ബാക്ഗ്രൗണ്ട് വച്ചല്ല. അദ്ദേഹത്തിന്റെ അഭിനയം മാത്രം നോക്കിയാൽ മതി. ഓരോ മലയാളികളും ഇഷ്ടപ്പെടുന്ന ഒരുപാട് കഥാപത്രങ്ങളെ അദ്ദേഹം സമ്മാനിച്ചിട്ടുണ്ട്.എന്തെങ്കിലും ഫാമിലി ഇഷ്യൂസ് ഉണ്ടെങ്കിൽ അവർ നോക്കിക്കോളും അല്ലാതെ നാട്ടുകാർക്ക് എന്താണ്. മലയാളത്തിലെ ഒരേയൊരു ജനപ്രിയ നായകൻ ദിലീപാണ് എന്നും കമന്റുകൾ നിറയുന്നുണ്ട്.
Post Your Comments