തന്‍റെ ശരീരത്തിൽ രണ്ടാമത്തെ ടാറ്റു കുത്തിയിരിക്കുകയാണ് നടി സാധിക വേണുഗോപാൽ. കാലിലാണ് ഇക്കുറി താരം ടാറ്റു കുത്തിയിരിക്കുന്നത്. ഇത് രണ്ടാം തവണയാണ് താരം ദേഹത്ത് പച്ചകുത്തുന്നത്. ടാറ്റു ചെയ്യുന്ന വീഡിയോ കഴിഞ്ഞദിവസം താരം തന്‍റെ ഇൻസ്റ്റഗ്രാം പേജിലൂടെ പങ്കുവെച്ചിരുന്നു. ആദ്യം താരം ടാറ്റു കുത്തിയിരുന്നത് കൈയ്യിലായിരുന്നെങ്കിൽ ഇക്കുറി തന്‍റെ വലതു കാലിലാണ് താരത്തിന്‍റെ പച്ചകുത്തൽ
‘ഇതെന്‍റെ രണ്ടാം ടാറ്റുവാണ്. നിങ്ങൾക്കെല്ലാം അറിയാവുന്നതുപോലെ ആദ്യ ടാറ്റു എന്‍റെ കുടുംബവും പ്രണയവും രീതികളും ഒക്കെ ഉള്‍ക്കൊണ്ടതായിരുന്നു. ഇത്തവണത്തെ ടാറ്റു എന്‍റെ സ്വപ്നങ്ങളും ഫാന്‍റസിയും പാഷനുമൊക്കെയായി ബന്ധപ്പെട്ടതാണ്.’–എന്ന് കുറിച്ചുകൊണ്ട് കഴിഞ്ഞ ദിവസം താൻ ടാറ്റു ചെയ്യുന്ന വീഡിയോ താരം പങ്കുവെച്ചിരുന്നു.
അതിന് പിന്നാലെ ഇപ്പോൾ ടാറ്റുവിന്‍റെ ചിത്രം പങ്കുവെച്ചുകൊണ്ട് അ‍ര്‍ഥം വിവരിച്ചിരിക്കുകയാണ് താരം. ഒരു ജലകന്യകയും ചന്ദ്രക്കലയുമാണ് ടാറ്റുവിലുള്ളത്. ജലകന്യക സ്നേഹത്തിന്‍റേയും നിഗൂഢതയുടേയും ആത്മാവിന്‍റേയും സ്ത്രീത്വത്തിന്‍റേയും സ്വാതന്ത്ര്യത്തിന്‍റേയുമൊക്കെ പ്രതീകമാണെന്നും ചന്ദ്രക്കല ജന്മചക്രത്തിന്‍റേയും ഫലഭൂയിഷ്ഠതയുടേയുമൊക്കെ പ്രതീകമാണെന്നും അതോടൊപ്പമുള്ള ഡ്രീം ക്യാച്ചർ നെഗറ്റിവിറ്റിയെ ഇല്ലാതാക്കുന്നതിനായിട്ടാണെന്നുമൊക്കെയാണ് താരം കുറിച്ചിരിക്കുന്നത്.
Post Your Comments