ഇന്നത്തെ നടിമാര്‍ പട്ടിണി കിടന്ന് വണ്ണം കുറയ്ക്കുകയാണെന്നും അതില്‍ സങ്കടമുണ്ടെന്നും സിനിമ താരം ഷീല. അന്ന് നടിമാര്‍ വണ്ണം കൂട്ടാനായിരുന്നു ശ്രമിച്ചിരുന്നതെന്നും ഇന്ന് പട്ടിണി കിടന്നു വണ്ണം കുറയ്ക്കുകയാണെന്നും ഷീല പറഞ്ഞു. എന്നാല്‍ നല്ല കഥാപാത്രങ്ങള്‍ ലഭിക്കുന്നില്ലെന്നും അവര്‍ പറഞ്ഞു. മനോരമയ്ക്ക് നല്‍കിയ അഭിമുഖത്തിലായിരുന്നു ഷീല ഈ കാര്യം പറയുന്നത്.
”അന്ന് നടിമാര്‍ വണ്ണം കൂട്ടാന്‍ തിന്നുകൂട്ടി. ഞങ്ങളുടെയൊക്കെ കാലത്ത് നായികമാര്‍ക്ക് വണ്ണം വേണം. ശരീരപുഷ്ടി വളര്‍ത്താന്‍ നന്നായി ഭക്ഷണം കഴിപ്പിക്കുമായിരുന്നു. അതിന് പുറമെ ഇന്‍ജക്ഷനുമുണ്ടാകും. ഇന്നു നടിമാര്‍ പട്ടിണി കിടന്നു വണ്ണ കുറയ്ക്കുന്നു. സങ്കടം തോന്നും. ലക്ഷങ്ങള്‍ പ്രതിഫലം വാങ്ങിയിട്ട് എന്താ കാര്യം ഇഷ്ടമുള്ളത്? വയറുനിറയെ കഴിക്കാന്‍ യോഗമില്ല. ഇപ്പോഴത്തെ പെണ്‍കുട്ടികളൊക്കെ നല്ല കഴിവുള്ളവരാണ്. എന്നിട്ടെന്താ ഞങ്ങളുടെ കാലത്തേതു പോലെ നല്ല കഥാപാത്രങ്ങള്‍ കിട്ടുന്നുണ്ടോ? നായികയായി അഭിനയിക്കുന്ന സൂപ്പര്‍ താരം നയന്‍താര പോലും കറിവേപ്പിലെ പോലെ നായകന്‍റെ കൂടെ നാലോ അ‍ഞ്ചോ സീനില്‍ കാണും. പിന്നെ കാണില്ല” അവര്‍ കൂട്ടിച്ചേര്‍ത്തു.
ഇപ്പോള്‍ എത്ര സ്ത്രീകള്‍ തീയേറ്ററില്‍ പോയി സിനിമ കാണുന്നുവെന്നും എല്ലാവരും സീരിയലിന് മുന്നിലല്ലേയെന്നും ഷീല ചോദിക്കുന്നുണ്ട്.
Post Your Comments