യഥാർഥത്തിൽ ഒരാള്‍ അണിഞ്ഞിരിക്കുന്ന വസ്‌ത്രത്തില്‍ നിന്ന് അയാളുടെ സ്വഭാവം അറിയാമെന്ന് പറഞ്ഞ് കേട്ടിട്ടുണ്ട്, അക്കാര്യത്തില്‍ അത്ര വിശ്വാസമില്ലെങ്കിലും സന്ദര്‍ഭത്തിന് അനുസരിച്ച്‌ വസ്ത്രം ധരിക്കാന്‍ ഞാന്‍ ശ്രമിക്കാറുണ്ട്, പക്ഷേ, ഷോപ്പിംഗിനായി കൂടുതല്‍ നേരം ചെലവഴിക്കാന്‍ മടിയാണ്. ചേച്ചിയാണ് അതിന് സഹായിക്കുന്നത്. ഫാഷനെ കുറിച്ചുള്ള എല്ലാ പുതിയ ഐഡിയകളും പറഞ്ഞുതരുന്നത് ചേച്ചിയാണ്. അത് പരീക്ഷിക്കുന്നതിലാണ് എനിക്ക് താത്പര്യം എന്ന് നടി ഇനിയ.
കൂടാതെ ബാഗില്‍ എപ്പോഴും കാണുന്ന കാര്യങ്ങള്‍ മോയ്‌ച്ചറൈസറും ലിപ്‌സ്‌റ്റിക്കുമാണ്, ചിരിയും കണ്ണുകളുമാണ് എന്റെ പ്ളസ് പോയിന്റുകളെന്ന് തോന്നാറുണ്ട്, ഇഷ്‌ടമില്ലാത്ത ഒരു ഫീച്ചറുമില്ല. ഈ രൂപവും സൗന്ദര്യവുമൊക്കെ ദൈവാനുഗ്രഹമാണെന്നാണ് വിശ്വാസം, അതുകൊണ്ടാണല്ലോ സിനിമ പോലൊരു രംഗത്ത് എത്താന്‍ കഴിഞ്ഞത്, സ്ക്രീനില്‍ എന്നെ കാണുമ്ബോള്‍ നേരില്‍ കാണുന്നതിനെക്കാള്‍ പക്വതയുള്ളയാളായി തോന്നാറുണ്ട്.
എന്റെ ലുക്കിന്റെ കാര്യത്തില്‍ ഹെയര്‍സ്‌റ്റൈലിന് വലിയ പങ്കുണ്ട്, എനിക്ക് ഇപ്പോള്‍ നീണ്ട മുടിയാണുള്ളത്. അത് പരിപാലിക്കാന്‍ കുറച്ച്‌ ബുദ്ധിമുട്ടാണ്, അടുത്ത സമയത്ത് മുടി മുറിച്ച്‌ അഭിനയിക്കേണ്ട ഒരു കഥാപാത്രം വന്നിരുന്നു. ഞാന്‍ റെഡിയായി ഇരുന്നതാണ്. പക്ഷേ, വേറെ ചില പ്രോജക്‌ടുകളുടെ തിരക്ക് കാരണം അത് ഉപേക്ഷിക്കേണ്ടി വന്നു. അങ്ങനെ മുടി മുറിക്കുന്നതും വേണ്ടെന്നു വച്ചു. വീട്ടിലുള്ളവര്‍ക്കും മുടിമുറിച്ചു കളയുന്നത് ഇഷ്‌ടമല്ല, നീളം കുറവാണെങ്കില്‍ മുടി ഉണങ്ങാനും സെറ്റ് ചെയ്യാനുമൊക്കെ വളരെ കുറച്ച്‌ സമയം മതി, എങ്കിലും മലയാളി പെണ്‍കുട്ടികളുടെ നീണ്ട തലമുടി ഒരു അഴകാണെന്നാണ് എന്റെ അഭിപ്രായമെന്നും ഇനിയ വ്യക്തമാക്കി.
സ്ഥിരമായി ബ്രാന്‍ന്റഡ് വസ്‌തുക്കള്‍ ഉപയോഗിച്ചാല്‍ നമുക്ക് ഇന്റര്‍നാഷണല്‍ രീതിയിലുള്ള ട്രെന്‍ഡ് പിന്തുടരാന്‍ കഴിയും, അത് മാറ്റിവച്ചാല്‍ എനിക്ക് ഇണങ്ങുന്നതെന്താണോ അതാണ് എന്റെ ഫാഷന്‍, എപ്പോഴും ഉത്സാഹത്തോടെയിരുന്നാല്‍ ഫിറ്റ്നസ് താനെ വരും. ചെറുപ്പം മുതലേ എവിടെയും അടങ്ങിയിരിക്കുന്ന സ്വഭാവം എനിക്കില്ല. വേണമെങ്കില്‍ ഒരു ഫിറ്റ്നസ് ഫ്രീക്കാണെന്ന് പറയാം, അത്രത്തോളം എനർജറ്റിക്കായിരിയ്ക്കാൻ ഇഷ്ടമുള്ളയാളാണ് ഞാൻ.
കൂടാതെ ബാഡ്മിന്റണ്‍, കരാട്ടെ, തായ്‌ക്കോണ്ട, നീന്തല്‍, ഭരതനാട്യം തുടങ്ങി ഒരുപാട് മേഖലകളില്‍ കൈവച്ചിട്ടുണ്ട്.ചെറുപ്പം തൊട്ടേ ഡാന്‍സ് പ്രാക്‌ടീസ് ചെയ്യുന്നതുകൊണ്ട് വളരെ ഫ്ളക്‌സിബിളായ ശരീരമാണെന്റേത്. ഒന്നും ചെയ്യാതിരുന്നാല്‍ പെട്ടെന്ന് തടിവയ്‌ക്കും. പോരാത്തതിന് നന്നായി ഭക്ഷണം കഴിക്കുന്ന കൂട്ടത്തിലുമാണ്. നാടന്‍ ഭക്ഷണമാണ് കൂടുതലിഷ്‌ടം. കഥാപാത്രങ്ങള്‍ക്ക് അനുസരിച്ച്‌ തടി കൂട്ടുകയും കുറയ്‌ക്കുകയും ചെയ്യും. ഭാരം കൂട്ടാന്‍ എളുപ്പമാണ്. കൈയില്‍ കിട്ടുന്നതെല്ലാം കഴിച്ചാല്‍ മതിയല്ലോ. ഡയറ്റിംഗ് ചെയ്യുമ്ബോള്‍ ചപ്പാത്തിയാണ് പ്രധാന ഭക്ഷണം. പഴങ്ങളും പച്ചക്കറികളും നന്നായി കഴിക്കും. എണ്ണയും എരിവും മധുരവുമെല്ലാം കുറയ്‌ക്കും. വയറുനിറയെ വെള്ളം കുടിക്കുകയും ചെയ്യും, ഇതും എന്റെ സൗന്ദര്യം നിലനിർത്താൻ സഹായിക്കുന്നുവെന്ന് ഇനിയ പറഞ്ഞു.
Post Your Comments