പുതുമുഖങ്ങളെ പ്രധാന കഥാപാത്രങ്ങളാക്കി ലിജോ ജോസ് പെല്ലിശേരി ഒരുക്കിയ ‘അങ്കമാലി ഡയറീസ്’ പ്രേക്ഷകര്‍ ഏറ്റെടുത്ത സിനിമയാണ്. സംവിധായകനും നിര്‍മ്മാതാവ് വിജയ് ബാബുവും ചിത്രത്തിലെ നായികയായ അന്ന രാജനെ കണ്ടെത്തിയതിനെ കുറിച്ച് ഒരു പ്രേക്ഷകന്‍ എഴുതിയ കുറിപ്പാണ് സോഷ്യല്‍ മീഡിയയില്‍ വൈറലാകുന്നത്.
യാത്രക്കിടെ അന്ന നഴ്സായി ജോലി ചെയ്തിരുന്ന ആശുപത്രിയിലെ ഹോര്‍ഡിങ്ങില്‍ കണ്ട ഫോട്ടോയെ തുടര്‍ന്നാണ് അങ്കമാലി ഡയറീസിലെ ലിച്ചിയെ കണ്ടെത്തിയത് എന്നാണ് കുറിപ്പില്‍ പറയുന്നത്. വര്‍ഷങ്ങള്‍ക്ക് ശേഷം തൃശ്ശൂര്‍ കോവിലകത്ത്പാടത്ത് ആ ഹോര്‍ഡിങ് കണ്ട വിബിന്‍ നാഥ് എന്ന യുവാവാണ് ഈ കുറിപ്പ് പങ്കുവച്ചിരിക്കുന്നത്.
കുറിപ്പ് വായിക്കാം..
ലിജോ ജോസ് പെല്ലിശ്ശേരിയും, വിജയ് ബാബുവും ഒരു യാത്രയ്ക്കിടെ രാജഗിരി ഹോസ്പിറ്റലിന്റെ വലിയ ഒരു ഹോർഡിങ് കാണുന്നു.. അതിലെ നഴ്സായി നിൽക്കുന്ന കുട്ടിയെ ഇഷ്ടപെടുന്നു.. അന്വേഷിക്കുന്നു, ആ ഹോസ്പിറ്റലിലെ തന്നെ നേഴ്സ് ആണെന്ന് അറിയുന്നു.. തങ്ങളുടെ പുതിയ സിനിമയിലേക്ക് ക്ഷണിക്കുന്നു.. പ്രാരാബ്ധങ്ങൾക്കിടയിൽ ഇങ്ങോട്ടായി വന്ന അവസരം തട്ടിക്കളയാതെ അഭിനയിക്കുന്നു.. സിനിമയെ മാത്രമല്ല ആ കഥാപാത്രത്തെയും പ്രേക്ഷകർ മനസ്സറിഞ്ഞു സ്വീകരിക്കുന്നു.. ചിത്രം സൂപ്പർ ഹിറ്റ്‌ ആകുന്നു..
ലിച്ചി.. 😍😍
തൃശ്ശൂർ കോവിലകത്ത്പാടത്ത് നിന്നും..
Post Your Comments