രജനികാന്തിന്റെ രാഷ്ട്രീയ പിന്മാറ്റത്തിൽ പ്രതികരണവുമായി അര്‍ജുന മൂര്‍ത്തി. രജനി ആരെയും കബളിപ്പിച്ചിട്ടില്ലെന്നും ആരോഗ്യപ്രശ്നമാണ് രാഷ്ട്രീയ പ്രവേശത്തില്‍നിന്ന് പിന്മാറാൻ കാരണമായതെന്നും അര്‍ജുന മൂര്‍ത്തി പറഞ്ഞതായി ദ ന്യൂസ് മിനിറ്റ് റിപ്പോർട്ട് ചെയ്തു.
ബിജെപിയില്‍ നിന്ന് രാജിവച്ചാണ് അര്‍ജുന മൂര്‍ത്തി രജനിക്കൊപ്പം പാര്‍ട്ടി രൂപവത്കരണത്തിനായി ചേർന്ന് പ്രവർത്തിച്ചത്. പ്രധാനമന്ത്രി നരേന്ദ്രമോദിയും രജനികാന്തും തന്റെ രണ്ടുകണ്ണുകള്‍ പോലെയാണെന്ന് അർജുന പറഞ്ഞു. പ്രധാനമന്ത്രിയെ വലിയ ബഹുമാനത്തോടെയാണ് കാണുന്നത്. ദേശീയതലത്തില്‍ ഇന്നും അദ്ദേഹം ചെയ്യുന്ന നല്ല കാര്യങ്ങളെ സ്വീകരിക്കുന്നുവെന്നും അദ്ദേഹം പറഞ്ഞു.
തമിഴ്നാടിനുവേണ്ടി നല്ലതുചെയ്യാന്‍ കഴിവും മനസ്സുമുള്ളയാള്‍ എന്ന നിലയിലാണ് രജനികാന്തിനൊപ്പം ചേര്‍ന്നതെന്ന് അർജുന മൂർത്തി കൂട്ടിച്ചേർത്തു. ബിജെപിയിലേക്ക് തിരിച്ചുപോകുന്നില്ലെന്നും രജനിക്കൊപ്പം ഉണ്ടാകുമെന്നും അദ്ദേഹം പറഞ്ഞു.
Post Your Comments