ജീവിതത്തിലേക്ക് ഒളിഞ്ഞു നോട്ടം നടത്തുന്നവര്‍ക്ക് കൃത്യമായ മറുപടി നല്‍കി നടന്‍ ചെമ്പന്‍ വിനോദ് ജോസ്. കൂടുതല്‍ ഒളിഞ്ഞു നോട്ടം നടത്തിയാല്‍ അങ്കമാലി സ്റ്റൈലില്‍ മറുപടി വരുമെന്നും എന്നാല്‍ താനും ഒരു പരിധിവരെയൊക്കെ ഒളിഞ്ഞു നോട്ട സ്വഭാവ ശീലമുള്ള ആളാണെന്നും ഒരു ടിവി ചാനല്‍ അഭിമുഖ പരിപാടിയില്‍ സംസാരിക്കവേ ചെമ്പന്‍ വിനോദ് ജോസ് പറയുന്നു.
ചെമ്പന്‍ വിനോദ് ജോസിന്‍റെ വാക്കുകള്‍
“ഒളിഞ്ഞു നോട്ടക്കാരായ ആളുകളോട് ഞാന്‍ പറയും. ‘മക്കളെ ഞാന്‍ അത്യാവശ്യം തരക്കേടില്ലാത്ത ഒരു തല്ലിപൊളിയാണ്. കാരണം നീ കൂടുതല്‍ ഒളിഞ്ഞു നോട്ടം ഇങ്ങോട്ട് വയ്ക്കണ്ട. കാരണം വച്ച് കഴിഞ്ഞാല്‍ മറുപടി ചില അങ്കമാലി സ്റ്റൈലില്‍ വരും’. അത് നമ്മള് തന്നെ അങ്ങ് തറയായി കഴിഞ്ഞാല്‍ പിന്നെ ഇവര്‍ക്ക് ഒളിഞ്ഞു നോക്കാനൊന്നും ഇല്ലല്ലോ. ‘നിനക്ക് എന്തേലും അറിയണേല്‍ നേരിട്ട് വന്നു ചോദിക്കൂ ഞാന്‍ പറയാലോ’ എന്ന് മറുപടി കൊടുക്കും. എന്റെ ജീവിതത്തില്‍ ഒളിഞ്ഞു നോക്കാനായി ഒന്നുമില്ല. പിന്നെ എല്ലാ കാര്യങ്ങളും നിങ്ങളെ എനിക്ക് കാണിച്ചു തരാനൊന്നും പറ്റില്ല. അങ്ങനെ ഒളിഞ്ഞു നോക്കാന്‍ സമ്മതിക്കുകയും ഇല്ല. അപ്പോള്‍ നീ ഒളിഞ്ഞു നോക്കണ്ട കാര്യങ്ങള്‍ എന്നോട് ചോദിച്ചാല്‍ ഞാന്‍ പറഞ്ഞു തരാം. എന്റെ സ്വഭാവ രീതി അതാണ്‌. ഇതൊക്കെ പറയുമ്പോഴും ഒളിഞ്ഞു നോട്ടത്തിന്റെ ചെറിയ അംശം എന്നിലുമുണ്ട്. അത് ഞാന്‍ സമ്മതിക്കുന്ന കാര്യമാണ്. അടി കിട്ടാത്ത രീതിയില്‍ ഞാനത് കൊണ്ടുനടക്കുന്നുവെന്ന് മാത്രം”. ചെമ്പന്‍ വിനോദ് ജോസ് പറയുന്നു.
Post Your Comments