ഗിന്നസ് റെക്കോർഡിന് മാസ വരുമാനമുണ്ടോ? : ആരാധകന്‍റെ ചോദ്യത്തിന് അപ്രതീക്ഷിത മറുപടി നൽകി ഗിന്നസ് പക്രു

ഗിന്നസ് റെക്കോർഡിന് മാസ വരുമാനമുണ്ടോ? : ആരാധകന്‍റെ ചോദ്യത്തിന് അപ്രതീക്ഷിത മറുപടി നൽകി ഗിന്നസ് പക്രു

അഭിനയത്തിൽ വ്യത്യസ്തത പുലർത്താറുള്ള ഗിന്നസ് പക്രു സോഷ്യൽ മീഡിയയിലും വേറിട്ട വ്യക്തിത്വം കൊണ്ട് തൻ്റെ ആരാധകരെ കയ്യിലെടുക്കാറുണ്ട്. ഇപ്പോഴിതാ താരത്തിൻ്റെ ഒരു മാസ് മറുപടി സോഷ്യൽ മീഡിയയിൽ വൈറലായിരിക്കുകയാണ്. ഗിന്നസ് റെക്കോർഡ് ഉണ്ടേൽ മാസവരുമാനമുണ്ടാകുമോ? എന്ന ചോദ്യത്തിന് ഗിന്നസ് പക്രുവിൻ്റെ മാസ് മറുപടി. ‘പണിയെടുത്താൽ കിട്ടും’ എന്നായിരുന്നു പക്രു സ്റ്റൈലിലെ അഡാറ് മറുപടി. മഴ, പുഴ എന്ന ക്യാപ്ഷനില്‍ പങ്കുവച്ച ഗിന്നസ് പക്രുവിന്റെ ഒരു ഫോട്ടോക്ക് താഴെയാണ് ആരാധകന്‍ രസകരമായ ചോദ്യം ചോദിച്ചത്. അധികം വൈകാതെ തന്നെ ഗിന്നസ് പക്രുവിന്റെ മറുപടിയും വന്നു.

ഇതിനോടകം അൻപത് സിനിമകളിലപ്പുറം അഭിനയിച്ചു കഴിഞ്ഞ ഗിന്നസ് പക്രുവിന്‍റെ ആദ്യ ചിത്രം 1985 ൽ പുറത്തിറങ്ങിയ ‘അമ്പിളി അമ്മാവൻ’ എന്ന ചിത്രമായിരുന്നു. വിനയൻ സംവിധാനം ചെയ്ത ‘അദ്ഭുതദ്വീപ്’ എന്ന സിനിമയിൽ നായകനായും പ്രേക്ഷകരെ ഞെട്ടിച്ച ഗിന്നസ് പക്രു അടുത്തിടെ ഒരു സിനിമ നിർമ്മിക്കുകയും ചെയ്തിരുന്നു. കുട്ടീം കോലുമാണ് ഗിന്നസ് പക്രു സംവിധാനം ചെയ്ത ഏക ചിത്രം . മാധവ് രാംദാസിൻ്റെ ‘ഇളയരാജ’ എന്ന ചിത്രത്തിലും ഗിന്നസ് പക്രു പ്രധാന കഥാപാത്രമായി അഭിനയിച്ചു. ചിത്രത്തിലെ പ്രകടനത്തിന് നിരവധി അംഗീകാരങ്ങള്‍ ഗിന്നസ് പക്രുവിനെ തേടിയെത്തിയിരുന്നു.