സുന്നത്ത് നടത്തിയാൽ മാത്രം മനുഷ്യനാവില്ലെടോ, മുറിക്കേണ്ടത് നിന്റെയൊക്കെ വിവരക്കേടിന്റെ അറ്റമാണ്: ലക്ഷ്മി പ്രിയ

തന്റെ പേര് മാറ്റിയതായി നടി ലക്ഷ്മി പ്രിയ ഫേസ്ബുക്ക് പോസ്റ്റിൽ ആരാധകരുമായി പങ്കുവെച്ചിരുന്നു. സബീന എന്ന യഥാർത്ഥ പേര് ഔദ്യോഗികമായി ലക്ഷ്മി പ്രിയ എന്നാക്കി മാറ്റിയതിനെക്കുറിച്ചാണ് താരം സോഷ്യൽ മീഡിയയിലൂടെ വ്യക്തമാക്കിയത്. ഹിന്ദുവായാലും മുസ്ലീമായാലും താൻ താനായിരിക്കും. മതമേതായാലും മനുഷ്യൻ നന്നായാൽ മതി എന്ന ഗുരുവചനം ഓർമിപ്പിക്കുന്നു എന്നാണ് ലക്ഷ്മി പ്രിയ പങ്കുവെച്ച ഫേസ്ബുക്കിൽ കുറിപ്പിലൂടെ വ്യക്തമാക്കുന്നത്.

ഫേസ്ബുക്കിൽ താരം പങ്കുവെച്ച ഈ പോസ്റ്റിനു കീഴിൽ വന്ന കമന്റുകൾക്ക് ഇപ്പോൾ മറുപടി നൽകിയിരിക്കുകയാണ് നടി. സിനിമ-സീരിയൽ ഒന്നുമില്ലാത്തതുകൊണ്ട് വർഗീയത പറയുകയാണെന്നും 80 ശതമാനമുള്ള ഹിന്ദുക്കൾ മുസ്ലിം പെൺകുട്ടിയെ മതം മാറ്റി കൊണ്ടുപോയി സോഷ്യൽ മീഡിയയിൽ പ്രവർത്തിക്കുന്നത് കാണുമ്പോൾ സഹതാപം മാത്രമാണെന്നും നീ ഹിന്ദു ആയെങ്കിൽ മുസ്ലീങ്ങൾക്ക് ഒന്നുമില്ലെന്നുമായിരുന്നു ഒരാളുടെ കമന്റ്.

പിന്നാലെ ഇതിനു മറുപടിയുമായി ലക്ഷ്മി പ്രിയയും രംഗത്ത് വന്നു. നിന്റെയൊക്കെ ഫോട്ടോ വെയ്ക്കേണ്ട കാലം എന്നേ കഴിഞ്ഞു.. സുന്നത്ത് നടത്തിയാൽ മാത്രം മനുഷ്യനാവില്ലെടോ.. മുറിക്കേണ്ടത് നിന്റെയൊക്കെ വിവരക്കേടിന്റെ അറ്റമാണ്.. ഓരോരോ ക്ഷുദ്രജീവികൾ എന്നായിരുന്നു നടിയുടെ മറുപടി.

Read Also:- സ്ക്രീനിൽ കണ്ട അന്നേരം തന്നെ ഹൃദയം അങ്ങ് കൊണ്ടുപോയി.. പൃഥ്വിരാജിനെ പ്രൊപ്പോസ് ചെയ്ത ആ പെൺകുട്ടി..

ലക്ഷ്മിപ്രിയയുടെ ഫേസ്ബുക്ക് പോസ്റ്റ്:

I officially announced yes I am Lakshmi priyaa. ഒരു പേരിൽ എന്തിരിക്കുന്നു എന്ന ചിന്ത കൊണ്ട് മാത്രം കൊണ്ടു നടന്നിരുന്ന എന്റെയാ പഴയ പേര് ഞാൻ ഉപേക്ഷിച്ചിരിക്കുന്നു.നീണ്ട പതിനെട്ടു വർഷം ഞാൻ സബീന ആയിരുന്നു.19 വർഷമായി ഞാൻ ലക്ഷ്മി പ്രിയയും. ഇത് രണ്ടും ചേരുന്ന ഒരാളിനെ കൊണ്ടു നടക്കാൻ എനിക്ക് യാതൊരു ബുദ്ധിമുട്ടും തോന്നിയിരുന്നില്ല. കാരണം ഞാൻ എന്നും ഞാൻ ആയിരുന്നു. എത്ര വലിയ പ്രതിസന്ധി വരുമ്പോഴും ദൈവത്തിന്റെ മാത്രം കരം പിടിച്ചു മറു കര നീന്തിയ വളരെ കരുത്തുള്ള ഒരു സ്ത്രീ.
കല്ലെറിഞ്ഞതിനും ആർത്തു വിളിച്ചതിനും നിങ്ങളോട് എനിക്ക് തീർത്താൽ തീരാത്ത നന്ദിയുണ്ട്. കാരണം നിങ്ങളുടെ ആ കല്ലെറിയൽ കൊണ്ടാണ് പൂർണ്ണമായും ഹിന്ദു എന്ന എന്റെ സ്വത്വം രേഖാമൂലം അങ്ങനെ തന്നെ ആവട്ടെ എന്ന് ഞാൻ തീരുമാനിക്കുന്നത്.
കല്ലെറിഞ്ഞവർക്കും ചേർത്തു പിടിച്ചവർക്കും നന്ദി അറിയിക്കട്ടെ. ഒറ്റ മുറിയിൽ നിന്നും എന്നെ ചേർത്തു പിടിച്ചു കൃത്യമായ ഒരു മേൽവിലാസം ഉണ്ടാക്കി തന്ന എന്റെ ഭർത്താവിനോടുള്ള എന്റെ സ്നേഹം അറിയിക്കാൻ എനിക്ക് വാക്കുകളില്ല.
ഒറ്റ കൂടിക്കാഴ്ചയിൽ എന്റെ പേര്, മതം, ഒപ്പ് എന്നിവ ചേഞ്ച്‌ ചെയ്യേണ്ടതിന്റെ ആവശ്യകതയെക്കുറിച്ച്, ഒരുപേരിൽ ഒരുപാടുണ്ട് എന്ന് എനിക്ക് ബോധ്യപ്പെടുത്തി തന്ന അഡ്വക്കേറ്റ് കൃഷ്ണ രാജിനാണ് ഇപ്പൊ ഈ മാറ്റത്തിന്റെ മുഴുവൻ ക്രെഡിറ്റ്സും ഞാൻ കൊടുക്കുക. ഒപ്പം അതിന് എന്നെ സഹായിച്ച സൈനേഷ് തത്വമയി ന്യൂസ്‌, Binil Somasundaram ബിനിൽ ജി, ശ്രീ ഗിരീഷ് ജി വിശ്വ ഹിന്ദു പരീക്ഷിത് എന്നിവർക്കും ഹൃദയം നിറഞ്ഞ നന്ദി അറിയിക്കുന്നു.
ഹിന്ദു ആയാലും മുസ്ലിം ആയാലും ഞാൻ ഞാനായിരിക്കും. മതമേതായാലും മനുഷ്യൻ നന്നായാൽ മതി എന്ന ഗുരുവചനം ഓർമ്മിപ്പിച്ചുകൊണ്ട്
ലക്ഷ്മി പ്രിയ