കൊച്ചി : മെഗാസ്റ്റാർ മമ്മൂട്ടിയുടെ പുത്രൻ എന്ന ഇമേജ് വളരെ വേഗത്തില് മാറ്റിയെടുത്ത് സിനിമയില് തന്റേതായ സ്ഥാനം ഉറപ്പിച്ച താരമാണ് ദുല്ഖര് സല്മാന്. മമ്മൂട്ടിയുടെ നിഴലില് വളര്ന്നു വരാന് ഒരുകാലത്തും ദുൽഖറും മമ്മൂട്ടിക്കും ആഗ്രഹിച്ചിട്ടില്ല. കഴിവുണ്ടെങ്കില് മകന് സിനിമയില് മുന്നോട്ടു പോകട്ടെ എന്നതായിരുന്നു മമ്മൂട്ടിയുടെ നിലപാട്.
2011ൽ ശ്രീനാഥ് രാജേന്ദ്രന്റെ സെക്കന്റ് ഷോ എന്ന ചിത്രത്തിലൂടെയായിരുന്നു ദുല്ഖര് മലയാള സിനിമയില് അരങ്ങേറിയത്. സിനിമയെ കുറിച്ച് ആലോചിച്ചു തുടങ്ങിയ സമയത്ത് ദുല്ഖറിന്റെ സിനിമ കരിയറില് നിര്ണായകമായ ഒരു ഉപദേശം ഉമ്മ സുല്ഫത്ത് നല്കി. ‘വാപ്പച്ചിയെ പോലെ സിനിമയില് വിജയിക്കാമെന്ന് പ്രതീക്ഷിക്കരുത്’ എന്ന്.
വാപ്പച്ചിയുടെ തണലില് സിനിമയില് ശോഭിക്കാമെന്ന പ്രതീക്ഷ വേണ്ട എന്നായിരുന്നു ആ വാക്കുകളുടെ അര്ത്ഥം. ഉമ്മയുടെ ആ വാക്കുകള് ദുല്ഖറിനെ വലിയ രീതിയില് സ്വാധീനിച്ചു. സിനിമ ലോകത്തേക്ക് പോകുകയാണെങ്കില് സ്വന്തം കാലില് നില്ക്കണമെന്നും വാപ്പച്ചിയുടെ സഹായം കൊണ്ട് മുന്നേറ്റമുണ്ടാക്കരുതെന്നും അന്നേ മനസില് ഉറപ്പിച്ചു.
വാപ്പച്ചിയുടെ സഹായം ഇല്ലാതെ തനിക്ക് സിനിമയില് ശോഭിക്കാന് കഴിയുമോ എന്ന് നോക്കാന് ദുല്ഖര് തീരുമാനിച്ചത്തിന്റെ ഫലമാണ് മമ്മൂട്ടിയുടെ മകനായി മുതിര്ന്ന സംവിധായകര് വച്ചു നീട്ടിയ ഓഫറുകളെല്ലാം ദുല്ഖര് നിരസിച്ചത്. നവാഗതനായ ശ്രീനാഥ് രാജേന്ദ്രന്റെ സെക്കന്റ് ഷോയില് അഭിനയിക്കാന് ദുല്ഖര് തീരുമാനിക്കുന്നതും ഉമ്മച്ചിയുടെ ആ വാക്കുകള് കേട്ടാണ്.
Post Your Comments