ചെന്നൈ: പെണ്‍മക്കളെക്കുറിച്ച് മനസ്സു തുറന്ന് സംഗീതജ്ഞന്‍ എ ആര്‍ റഹ്മാന്. പെൺമക്കളായ ഖദീജയും റഹീമയും പക്വതയാര്‍ന്ന മനസ്ഥിതി ഉള്ളവരാന്നും സ്വന്തമായി തീരുമാനങ്ങളെടുക്കാന്‍ പ്രാപ്തിയുള്ളവരുമാണെന്നും ദേശീയ മാധ്യമത്തിനു നല്‍കിയ അഭിമുഖത്തിൽ റഹ്മാൻ വ്യക്തമാക്കി.
‘എന്റെ ഖദീജയും റഹീമയും പക്വതയാര്‍ന്ന മനസ്ഥിതി ഉള്ളവരാണ്. അവര്‍ക്കു ശരിയെന്നും മികച്ചതെന്നും തോന്നുന്ന കാര്യങ്ങള്‍ മാത്രമേ അവര്‍ ചെയ്യാറുള്ളു. എന്തൊക്കയാണു ചെയ്യേണ്ടതെന്നുള്ള വ്യക്തമായ ധാരണ എപ്പോഴും അവരുടെ മനസ്സിലുണ്ട്. ഒന്നിനെക്കുറിച്ചും ആശങ്കപ്പെടുകയോ ഭയപ്പെടുകയോ വേണ്ടെന്നാണ് ഞാന്‍ ഖദീജയ്ക്കും റഹീമയ്ക്കും നല്‍കുന്ന ഉപദേശം. എന്താണോ മനസ്സില്‍ തോന്നുന്നത് അത് ചെയ്യണമെന്നു ഞാന്‍ പറഞ്ഞു കൊടുക്കാറുണ്ട്. ആ രീതിയില്‍ മുന്നോട്ടു നീങ്ങുമ്പോള്‍ അവര്‍ക്കു സ്വന്തമായൊരു വ്യക്തിത്വം കാത്തുസൂക്ഷിക്കാന്‍ സാധിക്കും. ആരും അവരെ തമ്മില്‍ താരതമ്യം ചെയ്യില്ല. ദൈവം എന്റെ മക്കളെ അനുഗ്രഹിക്കട്ടെ’. എആര്‍ റഹ്മാന് പറഞ്ഞു.
മതവും രാഷ്ട്രീയവും പറഞ്ഞ് മോഹൻലാലിനെയും സുരേഷ് ഗോപിയെയും താറടിച്ച് കാണിക്കുന്നു: സന്ദീപ് വാര്യർ
അതേസമയം പെണ്‍മക്കളെക്കുറിച്ചുള്ള എആര്‍ റഹ്മാന്റെ തുറന്നുപറച്ചില്‍ സോഷ്യൽ മീഡിയയിൽ ചര്‍ച്ചയായിരിക്കുകയാണ്. ഖദീജയെയും റഹീമയെയും കൂടാതെ അമീന്‍ എന്നൊരു മകന്‍ കൂടിയുണ്ട് റഹ്മാന്. മൂവരും പിതാവിനെപ്പോലെ സംഗീതരംഗത്ത് ചുവടുറപ്പിച്ചു കഴിഞ്ഞു. ഖദീജ ഒരുക്കിയ ‘ഫരിശ്‌തോ’ എന്ന ഗാനം നിരവധി പുരസ്‌കാരങ്ങൾ സ്വന്തമാക്കിയിട്ടുണ്ട്. മണിരത്‌നം സംവിധാനം ചെയ്ത ‘ഒകെ കണ്‍മണി’ എന്ന ചിത്രത്തിലൂടെ അമീന്‍ പിന്നണി ഗാനരംഗത്ത് അരങ്ങേറ്റം കുറിച്ചിരുന്നു.
Post Your Comments