ചുവന്ന ലഹങ്കയിൽ സുന്ദരിയായി സുപ്രിയ, ഷർവാണിയിൽ പൃഥ്വിയും, ബോളിവുഡ് വിവാഹത്തിൽ തിളങ്ങി താരങ്ങൾ

ഫെബ്രുവരി 7 ന് ജയ്‌സാൽമീറിലെ സൂര്യഗഡ് കൊട്ടാരത്തിൽ വെച്ചായിരുന്നു സിദ്ധാർത്ഥ് മൽഹോത്രയുടെയും കിയാര അദ്വാനിയുടെയും വിവാഹം. കരൺ ജോഹർ, ഷാഹിദ് കപൂർ തുടങ്ങിയ താരങ്ങൾക്കൊപ്പം തെന്നിന്ത്യൻ താരം പൃഥ്വിരാജ് സുകുമാരനും ഭാര്യ സുപ്രിയ മേനോനും വിവാഹത്തിൽ പങ്കെടുത്തു. താനും പൃഥ്വിരാജും കരൺ ജോഹറും ഉൾപ്പെടുന്ന ഒരു ഫോട്ടോ സുപ്രിയ ഇൻസ്റ്റാഗ്രാം സ്റ്റോറിയിൽ പങ്കുവെച്ചു.

സിദ്ധാർത്ഥ് മൽഹോത്രയുടെയും കിയാര അദ്വാനിയുടെയും വിവാഹത്തിന് മുമ്പുള്ള ആഘോഷങ്ങൾ ഫെബ്രുവരി 5 – ന് ആരംഭിച്ചു. സുഹൃത്തുക്കളുടെയും കുടുംബാംഗങ്ങളുടെയും സാന്നിധ്യത്തിൽ ദമ്പതികളുടെ മെഹന്ദി ചടങ്ങുകൾ നടന്നു. തുടർന്ന് ഫെബ്രുവരി ആറിന് ഹൽദി ചടങ്ങും ഫെബ്രുവരി ഏഴിന് വിവാഹവും നടന്നു. ഫെബ്രുവരി 9 ന് സിദ്ധാർത്ഥ് മൽഹോത്രയും കിയാര അദ്വാനിയും ഡൽഹിയിൽ ഒരു റിസപ്ഷൻ സംഘടിപ്പിച്ചു.