വളരെ ഫോക്കസ്ഡ് ആയിട്ടുള്ള ഒരാളാണ് ബേസില്‍ എന്നും തനിക്ക് എന്താണ് വേണ്ടതെന്ന കാര്യത്തെ കുറിച്ച് അദ്ദേഹത്തിന് നല്ല ബോധമുണ്ടെന്നും നടിയും അവതാരകയുമായ ആര്യ. ബേസില്‍ ജോസഫിനൊപ്പം ‘കുഞ്ഞിരാമായണം’ സിനിമയില്‍ അഭിനയിച്ചതിന്റെ അനുഭവമാണ് ആര്യ പറയുന്നത്.
താരത്തിന്റെ വാക്കുകൾ :
‘ബേസില്‍ ജോസഫ് ആരാണെന്ന് പോലും അറിയില്ലായിരുന്നു. അദ്ദേഹം അന്ന് ഒരു പുതിയ സംവിധായകനായിരുന്നു. പക്ഷെ അദ്ദേഹത്തിന്റെ ആദ്യ സിനിമയായിരുന്നിട്ടും ബേസിലിന്റെ കൂടെ ക്യത്യമായ ഒരു ടീമുണ്ടായിരുന്നു. അതൊരു കിടിലന്‍ ടീമായിരുന്നു. എല്ലാ കാര്യങ്ങളും കൃത്യമായി ചെയ്യുന്ന ഒരു ഫോക്കസ്ഡ് വ്യക്തിയാണ് ബേസില്‍.
എന്താണ് വേണ്ടതെന്ന് ആള്‍ക്ക് നന്നായി അറിയാം. എന്താണ് പുള്ളിക്ക് വേണ്ടത് ആ സാധനം കറക്ടായി നമ്മളോട് കമ്മ്യൂണിക്കേറ്റ് ചെയ്യും. നമുക്ക് അത് കൃത്യമായി മനസിലാകും. കാര്യങ്ങള്‍ വളരെ ലളിതമായി പറഞ്ഞ് തരുകയും ചെയ്യും. അതുകൊണ്ട് തന്നെ നമുക്കത് പ്രൊപ്പറായി എക്സിക്യൂട്ട് ചെയ്യാനും കഴിയും. ആള്‍ക്ക് വേണ്ട സാധനം കിട്ടി കഴിഞ്ഞാല്‍ പിന്നെ സെറ്റാണ്. അതോടെ പുള്ളി കട്ട് പറയും. ഒന്നുകൂടി എടുത്ത് നോക്കാമെന്നൊന്നും ബേസില്‍ പറയില്ല. ഇതില്‍ വളരെ മൈന്യൂട്ടായിട്ടുള്ള കാര്യങ്ങളുണ്ട്. ഭയങ്കര രസമാണ് അത് സിനിമയില്‍ കാണാന്‍.’
Post Your Comments