പ്രശസ്ത നടൻ ട്രീറ്റ് വില്യംസിന് ബൈക്കപകടത്തിൽ ദാരുണാന്ത്യം

പ്രശസ്ത ഹോളിവുഡ് നടൻ ട്രീറ്റ് വില്യംസ് (71) വാഹനാപകടത്തിൽ മരിച്ചു. എതിരെ വന്ന വാഹനം വില്യംസിനെ മോട്ടോർ ബൈക്കിൽ നിന്ന് ഇടിച്ച് തെറിപ്പിക്കുകയായിരുന്നുവെന്ന് പോലീസ് പറഞ്ഞു.

ഗുരുതരമായി പരിക്കേറ്റ നടനെ ആശുപത്രിയിലെത്തിച്ചെങ്കിലും മരിച്ചിരുന്നു. എവർവുഡ് ആൻഡ് ഹെയർ എന്ന ചിത്രത്തിലെ അഭിനയത്തിന് പേരുകേട്ട താരമായിരുന്നു ട്രീറ്റ്. ട്രീറ്റ് വില്യംസിന്റെ കുടുംബം അപകടത്തിൽ അഗാധമായ ദുഃഖം രേഖപ്പെടുത്തി, ഞങ്ങൾ തകർന്നിരിക്കുന്നു, ഞങ്ങളുടെ സ്വകാര്യതയെ നിങ്ങൾ മാനിക്കണമെന്ന് ഞങ്ങൾ ആവശ്യപ്പെടുന്നു, അദ്ദേഹത്തിന്റെ എല്ലാ ആരാധകരും ദയവായി നിങ്ങളുടെ ഹൃദയത്തിലും പ്രാർത്ഥനയിലും ഓർക്കണമെന്നും കുടുംബാം​ഗങ്ങൾ അറിയിച്ചു.

താരത്തിന്റെ അപകടത്തെക്കുറിച്ച് അന്വേഷിക്കുന്നുണ്ടെന്നും , അന്വേഷണം പ്രാരംഭ ഘട്ടത്തിലാണെന്നും പോലീസ് സ്ഥിരീകരിച്ചു. കണക്റ്റിക്കട്ടിൽ ജനിച്ച വില്യംസ് 1975-ൽ “ഡെഡ്‌ലി ഹീറോ” എന്ന സിനിമയിൽ  പോലീസ് ഓഫീസറായി സിനിമയിൽ അരങ്ങേറ്റം കുറിച്ചു, “ദി ഈഗിൾ ഹാസ് ലാൻഡഡ്”, “പ്രിൻസ് ഓഫ് ദി” എന്നീ സിനിമകൾ ഉൾപ്പെടെ 120-ലധികം ടിവി, ഫിലിം റോളുകളിൽ പ്രത്യക്ഷപ്പെട്ടു.. 1976-ലെ ദ റിറ്റ്‌സ് പോലുള്ള വൈവിധ്യമുള്ള കഥാപാത്രങ്ങൾ ഏറ്റെടുത്തു. ഹെയർ എന്ന സിനിമയിൽ ജോർജ്ജ് ബെർഗറായി വേഷമിട്ടതോടെ പ്രസിദ്ധി വർധിച്ചിരുന്നു.