സിനിമാ ലോകത്ത് ഏറെ ചർച്ചയാകുകയാണ് ‘ആദിപുരുഷ്’ സിനിമ. ബാഹുബലി സിനിമകളിലൂടെ പാന്‍ ഇന്ത്യന്‍ സൂപ്പര്‍താരമായി മാറിയ പ്രഭാസിനി നായകനാക്കി ഓം റൗട്ട് ഒരുക്കിയ ആദിപുരുഷ് ഹിന്ദുത്വത്തെ കളിയാക്കുന്നുവെന്ന വിവാദങ്ങൾ ഉയരുകയാണ്. ഇതിനിടയിൽ സംവിധായകന്റെ പഴയ ഒരു ട്വീറ്റ് അദ്ദേഹത്തിന് തിരിച്ചടിയാകുന്നു.
2015-ല്‍ അദ്ദേഹം പങ്കുവെച്ച ട്വീറ്റ് ആരോ കുത്തിപ്പൊക്കിയതോടെയാണ് വിവാദങ്ങൾ ഉയർന്നത്. ഹനുമാനെയും ഹനുമാന്‍ ജയന്തിയെയും സംവിധായകന്‍ അപമാനിച്ചതായി ആരോപണം.
READ ALSO: പ്രാര്‍ത്ഥനയുടെയും പൂജയുടെയും ഒരു വര്‍ഷം ബാക്കിയുള്ളവ ഉപേക്ഷിക്കണം: നടി സാമന്ത
‘ഹനുമാന്‍ ദൈവം ബധിരനായിരുന്നോ..? എന്റെ ബില്‍ഡിങ്ങിലുള്ള ആളുകളെല്ലാം അങ്ങനെയാണ് കരുതുന്നത്. അവര്‍ വളരെ ഉച്ചത്തില്‍ ഹനുമാന്‍ ജയന്തിയുടെ പാട്ടുകള്‍ വെക്കുകയാണ്. എല്ലാം അപ്രസക്തമായ പാട്ടുകളും.’- എന്നായിരുന്നു സംവിധായകന്റെ ട്വീറ്റ്.
ആദ്യ ദിനം കളക്ഷനായി 140 കോടിയാണ് ആദിപുരുഷ് നേടിയത്. കൃതി സനോണ്‍, സെയ്ഫ് അലിഖാന്‍ എന്നിവരും ചിത്രത്തില്‍ പ്രധാന വേഷങ്ങളിലുണ്ട്.
Post Your Comments