വിജയുമായി മറ്റൊരു പടം കൂടി ആലോചനയിൽ: ലോകേഷ് കനകരാജ്

കമൽഹാസൻ ചിത്രം വിക്രത്തിലൂടെ രാജ്യമൊട്ടാകെ ശ്രദ്ധയാകർഷിച്ച താരമാണ് ലോകേഷ് കനകരാജ്.

നടൻ വിജയുടെ ലിയോ എന്ന ചിത്രത്തിന്റെ തിരക്കുകളിലാണ് സംവിധായകൻ ലോകേഷ് കനകരാജ്. എന്നാൽ ലോകേഷ് കനകരാജിന്റെ മറ്റൊരു വമ്പൻ ചിത്രവും അണിയറയിൽ ഒരുങ്ങുന്നുണ്ടെന്നാണ് വിവരം.

വിജയെ തന്നെ നായകനാക്കി മറ്റൊരു ചിത്രം കൂടി താൻ പ്ലാൻ ചെയ്യുന്നുണ്ടെന്നാണ് ലോകേഷ് പറഞ്ഞത്. ലിയോയ്ക്ക് ശേഷം എത്തുന്ന ചിത്രമായിരിക്കും ഇത്. ലോകേഷ് രജനീകാന്തിനെ നായകനാക്കി മറ്റൊരു ചിത്രം കൂടി ചെയ്യുന്നുണ്ടെന്ന് നടൻ ബാബു ആന്റണി പറഞ്ഞിരുന്നു.

ചിത്രത്തിൽ മലയാളികളുടെ പ്രിയതാരം ശ്രദ്ധേയമായ വേഷത്തിൽ ബാബു ആന്റണിയും എത്തുന്നുണ്ട്.