കാലിൽ തൊടാനായി സ്റ്റേജിലേക്ക് ചാടിക്കയറി ആരാധകൻ; ഓടിമാറി വിജയ് ദേവരക്കൊണ്ട

തെലുങ്ക് സൂപ്പർ താരം വിജയ് ദേവരകൊണ്ടയോടുള്ള സ്നേഹവും ആരാധനയും പ്രകടിപ്പിക്കാൻ ആരാധകൻ ഓടിക്കയറിയത് സ്റ്റേജിലേക്ക്.

വിജയുടെ പുതിയ സിനിമ ബേബിയുടെ സക്സസ് മീറ്റിങ്ങിനിടെയാണ് പ്രസ്തുത സംഭവം നടന്നത്.

വിജയ് സ്റ്റേജിൽ പ്രസം​ഗിച്ചുകൊണ്ട് നിൽക്കവേയാണ് സംഭവം. സെക്യൂരിറ്റി വലയം ഭേദിച്ച് ഓടിയെത്തിയ ആളെ കണ്ട് പരിഭ്രമിച്ച് ഓടിമാറുകയായിരുന്നു നടൻ ദേവരകൊണ്ട.

എന്നാൽ പിന്നീട് ആരാധകനാണ് എന്ന് മനസിലായതോടെ കൂടെ നിർത്തി ഫോട്ടോ എടുത്തിട്ടാണ് വിജയ് ആരാധകനെ വിട്ടത്.