പതിനൊന്നു വർഷത്തെ ഇടവേളയ്ക്കുശേഷം ആസിഫ് അലിയും നിഷാനും ഒന്നിക്കുന്ന ‘കിഷ്ക്കിന്ധാകാണ്ഡം’: ചിത്രീകരണം ആരംഭിച്ചു

കൊച്ചി: യുവനിരയിലെ ശ്രദ്ധേയനായ നടനാണ് ആസിഫ് അലി. ശ്യാമപ്രസാദിൻ്റെ ‘ഋതു’ എന്ന ചിത്രത്തിലൂടെയാണ് ആസിഫ് അലിയുടെ കടന്നുവരവ്. ആ സിനിമയിൽ നായകസ്ഥാനത്തു തന്നെ മറ്റൊരു നടനുമുണ്ടായിരുന്നു, നിഷാൻ. മലയാളിയായിരുന്നില്ല നിഷാൻ. നിഷാനും ആസിഫ് അലിക്കും ‘ഋതു’ ഏറെ ഖ്യാതി നേടിക്കൊടുത്തു. രണ്ടു പേർക്കും ഏറെ അവസരങ്ങൾ പിന്നീട് കടന്നു വന്നു. ആസിഫ് അലി പിന്നീട് ഏറെ മുന്നിലെത്തി. മലയാളത്തിൽ നിന്നും അകന്നുവെങ്കിലും മറ്റു ദക്ഷിണേന്ത്യൻ ഭാഷാചിത്രങ്ങളിൽ നിഷാൻ്റെ സാന്നിദ്ധ്യം ഇപ്പോഴുമുണ്ട്.

ഋതുവിലെ സഹപ്രവർത്തകനായ നിഷാനൊപ്പം നീണ്ട പതിനൊന്നു വർഷത്തിനു ശേഷം ആസിഫ് അലിഇപ്പോൾ ഒരു ചിത്രത്തിൽ ഒന്നിക്കുകയാണ്. ദിൻ ജിത്ത് അയ്യത്താൻ സംവിധാനം ചെയ്യുന്ന ‘കിഷ്ക്കിന്ധാകാണ്ഡം’ എന്ന ചിത്രത്തിലാണിത്. ഈ ചിത്രത്തിലെ ഒരു സുപ്രധാനമായ കഥാപാത്രത്തെയാണ് നിഷാൻ അവതരിപ്പിക്കുന്നത്. ചേർപ്പുളശ്ശേരിയിലെ വെള്ളിനേഴിയിലുള്ള ഒളപ്പമണ്ണമനയിലായിരുന്നു ആസിഫ് അലിയുമൊത്തുള്ള നിഷാൻ്റെ രംഗങ്ങൾ ചിത്രീകരിച്ചത്. വലിയ ഇടവേളയ്ക്ക് ശേഷമുള്ള പഴയ ചങ്ങാതിമാരുടെ കണ്ടുമുട്ടൽ ഇരുവർക്കും ഏറെ സന്തോഷം പകരുന്നതായിരുന്നു. ഇരുവരും ഗാഢാലിംഗനം ചെയ്ത് അവരുടെ സന്തോഷം പങ്കിട്ടു.

കോപം ലിറിക്കൽ വീഡിയോ പ്രകാശിതമായി
അപർണ്ണാ ബാലമുരളി, വിജയരാഘവൻ, ജഗദീഷ്, നിഴൽകൾ രവി, മേജർ രവി, വൈഷ്ണവി രാജ്, കൃഷ്ണൻ ബാലകൃഷ്ണൻ എന്നിവരും പ്രധാന വേഷമണിയുന്നു. തിരക്കഥ – ഛായാഗ്രഹണം – രാഹുൽ രമേശ്, എഡിറ്റിംഗ്‌ – സൂരജ് ഈഎസ്, കലാസംവിധാനം – സജീഷ് താമരശ്ശേരി, ചീഫ് അസ്റ്റോസ്സിയേറ്റ് ഡയറക്ടർ – ബോബി സത്യശീലൻ, പ്രൊജക്റ്റ് ഡിസൈൻ – കാക്കാസ്റ്റോറീസ്, പ്രൊഡക്ഷൻ മാനേജർ – എബി കോടിയാട്ട്, പ്രൊഡക്ഷൻ എക്സിക്യൂട്ടീവ്സ് – നോബിൾ ജേക്കബ്, ഗോകുലൻ പിലാശ്ശേരി, പ്രൊഡക്ഷൻ കൺട്രോളർ – രാജേഷ് മേനോൻ, എന്റർടൈൻമെൻറ്സിന്റെ ബാനറിൽ ജോബി ജോർജ് നിർമ്മിക്കുന്ന ഈ ചിത്രത്തിൻ്റെ ചിത്രീകരണം ഒളപ്പമണ്ണ മന, ധോണി, ഹൈദ്രാബാദ്, ജാർക്കണ്ഡ് എന്നിവിടങ്ങളിലായി പൂർത്തിയാകും.

വാഴൂർ ജോസ്.
ഫോട്ടോ – ബിജിത്ത് ധർമ്മടം.