പ്രശസ്ത നടൻ മാധവനെ പൂനെ ഫിലിം ഇൻസ്റ്റിറ്റ്യൂട്ട് പ്രസിഡന്റായി സർക്കാർ നിയമിച്ചു

തന്റെ ആദ്യ സംവിധാന ചിത്രമായ റോക്കട്രി: ദി നമ്പി ഇഫക്റ്റിന് മികച്ച ചിത്രത്തിനുള്ള ദേശീയ അവാർഡ് നേടി ദിവസങ്ങൾക്ക് ശേഷം, ആർ മാധവൻ ഇപ്പോൾ ഫിലിം & ടെലിവിഷൻ ഇൻസ്റ്റിറ്റ്യൂട്ട് ഓഫ് ഇന്ത്യയുടെ പുതിയ പ്രസിഡന്റായി നിയമിതനായിരിക്കുകയാണ്.

ചലച്ചിത്ര നിർമ്മാതാവ് ശേഖർ കപൂറിന് പകരക്കാരനായാണ്  FTII പ്രസിഡന്റായി മാധവനെ നിയമിച്ചതായി ഇൻഫർമേഷൻ & ബ്രോഡ്കാസ്റ്റിംഗ് മന്ത്രി അനുരാഗ് ഠാക്കൂർ പ്രഖ്യാപനം നടത്തിയത്. . പ്രസിഡന്റായും ഗവേണിംഗ് കൗൺസിൽ ചെയർമാനായും നാമനിർദ്ദേശം ചെയ്യപ്പെട്ട നടൻ മാധവൻ ജിക്ക് ഹൃദയംഗമമായ അഭിനന്ദനങ്ങൾ. നിങ്ങളുടെ വിപുലമായ അനുഭവവും ശക്തമായ ധാർമ്മികതയും ഈ ഇൻസ്റ്റിറ്റ്യൂട്ടിനെ സമ്പന്നമാക്കുമെന്നും നല്ല മാറ്റങ്ങൾ കൊണ്ടുവരുമെന്നും ഉയർന്ന തലത്തിലേക്ക് കൊണ്ടുപോകുമെന്നും എനിക്ക് ഉറപ്പുണ്ട്. നിങ്ങൾക്ക് എന്റെ ആശംസകൾ.”എന്നാണ് അനുരാഗ് ഠാക്കൂർ കുറിച്ചത്.

ഈ ബഹുമതിക്കും ആശംസകൾക്കും ഹൃദയം നിറഞ്ഞ നന്ദിയെന്ന് മാധവൻ കുറിച്ചു. തന്റെ കഴിവിനനുസരിച്ച് കഠിനമായി പ്രയത്നിക്കുമെന്നും താരം കുറിച്ചു. റോക്കട്രി: ദി നമ്പി ഇഫക്‌റ്റിൽ മുൻ ഐഎസ്ആർഒ ശാസ്ത്രജ്ഞനായ നമ്പി നാരായണന്റെ കഥയാണ് സിനിമയായി ആദ്യമായി സംവിധാനം ചെയ്തത്, അത് അദ്ദേഹത്തിന് മികച്ച ചിത്രത്തിനുള്ള ആദ്യ ദേശീയ അവാർഡ് നേടിക്കൊടുക്കുകയും ചെയ്തു. വാർത്ത പുറത്ത് വന്നതോടെ ഏറെ സന്തോഷത്തിലാണ് താരത്തിന്റെ ആരാധകരും.