എല്ലാം ദേവീ കടാക്ഷം, എന്നെ തിരഞ്ഞെടുത്തതും ദേവിതന്നെ: പെരിങ്ങോട്ടുകര ക്ഷേത്രത്തിൽ നാരീപൂജയിൽ പങ്കെടുത്ത് നടി ഖുശ്ബു

തൃശ്ശൂർ പെരിങ്ങോട്ടുകര വിഷ്ണുമായ ക്ഷേത്രത്തിലെത്തി നാരീപൂജയിൽ പങ്കെടുത്ത് നടി ഖുശ്ബു. തന്നെ ഇതിന് തിരഞ്ഞെടുത്തത് ദേവി തന്നെയാണെന്നും താരം.

നടിയും ദേശീയ വനിതാ കമ്മീഷൻ അം​ഗവുമായ ഖുശ്ബു നാരീപൂജ ചെയ്യാനായി തന്നെ വിളിച്ചത് ഭാ​ഗ്യമായി കരുതുന്നുവെന്നും പറഞ്ഞു. ദൈവത്തിൽ നിന്നുള്ള ദിവ്യ അനുഗ്രഹം, തൃശ്ശൂരിലെ വിഷ്ണുമായ ക്ഷേത്രത്തിൽ നിന്ന് നാരീപൂജ ചെയ്യാൻ ക്ഷണിച്ചത് ഭാഗ്യമായി തോന്നുന്നു. തിരഞ്ഞെടുക്കപ്പെട്ടവരെ മാത്രമേ ക്ഷണിക്കൂ. ദേവി തന്നെയാണ് വ്യക്തിയെ തിരഞ്ഞെടുക്കുന്നതെന്ന് അവർ വിശ്വസിക്കുന്നു.

ഇത്തരമൊരു ബഹുമതി നൽകി എന്നെ അനുഗ്രഹിച്ചതിന് ക്ഷേത്രത്തിലെ എല്ലാവർക്കും എന്റെ എളിയ നന്ദി പറയുന്നു. ദിവസവും പ്രാർത്ഥിക്കുകയും നമ്മെ സംരക്ഷിക്കാൻ ഒരു ദൈവം ഉണ്ടെന്ന് വിശ്വസിക്കുകയും ചെയ്യുന്ന എല്ലാവർക്കും നല്ല കാര്യങ്ങൾ നടക്കുമെന്ന് എനിക്ക് ഉറപ്പുണ്ട്, എന്റെ പ്രിയപ്പെട്ടവർക്കും ലോകത്തിനും മെച്ചപ്പെട്ടതും സന്തോഷകരവും സമാധാനപരവുമായ കാര്യങ്ങൾ ജീവിതത്തിൽ നടക്കുവാൻ പ്രാർത്ഥിക്കുന്നു എന്നും നടി ഖുശ്ബു കുറിച്ചു.