ഡിവോഴ്സിന് കാരണമായ യുവതി? വേർപിരിയൽ വളരെ ബുദ്ധിമുട്ടായിരുന്നുവെന്ന് സമാന്ത,ഒടുവിൽ എല്ലാം തുറന്ന് പറയുകയാണോയെന്ന് ആരാധകർ

അടുത്ത കാലത്ത് തെന്നിന്ത്യൻ സിനിമാ രം​ഗത്ത് ഏറ്റവും കൂടുതൽ വ്യക്തി ജീവിതം ചർച്ചയായ നടിമാരിലൊരാളാണ് സമാന്ത. വിവാഹമോചനം, മയോസിറ്റിസ് എന്ന ഓ‌ട്ടോ ഇമ്മ്യൂൺ കണ്ടീഷൻ ബാധിച്ചത് തുടങ്ങിയവ സമാന്തയെ തകർത്തിരുന്നു. കൊട്ടിഘോഷിച്ച വിവാഹമായിരുന്നു സമാന്തയുടെയും നാഗചൈതന്യയുടെയും. അധികം കാലം നീണ്ടുനിന്നില്ല, ഈ ദാമ്പത്യം. അഭ്യൂഹങ്ങൾക്കൊടുവിൽ ഇരുവരും വേർപിരിഞ്ഞു.

നടിയുടെ കരിയറിലെ തിരക്കുകളാണ് വിവാഹത്തെ ബാധിച്ചതെന്ന് നേരത്തെ റിപ്പോർട്ടുകൾ വന്നിരുന്നു. ഇന്റിമേറ്റ് രം​ഗങ്ങളിൽ അഭിനയിക്കാൻ‌ സമാന്ത തയ്യാറായതും നാ​ഗ ചൈതന്യയെ ചൊടിപ്പിച്ചെന്ന് റിപ്പോർട്ടുകൾ വന്നു. വിവാഹ മോചനത്തിന് കാരണം എന്തെന്ന് നടി ഇതുവരെ തുറന്ന് പറഞ്ഞിട്ടില്ല. ​ഗോസിപ്പുകൾക്കെതിരെ നാ​ഗ ചൈതന്യയും നേരത്തെ സംസാരിച്ചിട്ടുണ്ട്. രണ്ട് പേരും എല്ലാം മറന്ന് മുന്നോട്ട് നീങ്ങിയെന്നും അഭ്യൂഹങ്ങൾ അനാവശ്യമാണെന്നും നാ​ഗ ചൈതന്യ ചൂണ്ടിക്കാട്ടി. ഡിവോഴ്സിന് ശേഷം നടി ശോഭിത ധുലിപാലയുമായി നാ​ഗ ചൈതന്യ ഡേറ്റിം​ഗിലാണെന്ന് ​ഗോസിപ്പുണ്ട്.

ഇപ്പോഴിതാ, വിവാഹമോചനം ഏറെ ദുഷ്കരമായിരുന്നുവെന്ന് വെളിപ്പെടുത്തുകയാണ് സമാന്ത. ടേക്ക് 20 എന്ന പരമ്പരയുടെ ആദ്യ എപ്പിസോഡിൽ സംസാരിക്കവെയാണ് നടി ഇക്കാര്യം തുറന്നു പറഞ്ഞത്.

‘എനിക്ക് ഈ പ്രശ്‌നം ഉണ്ടാകുന്നതിന് മുമ്പുള്ള വർഷം ഞാൻ പ്രത്യേകം ഓർക്കുന്നു. ഇത് എനിക്ക് വളരെ ബുദ്ധിമുട്ടുള്ള ഒരു വർഷമായിരുന്നു. എൻ്റെ സുഹൃത്ത്/പങ്കാളി/മാനേജർ ഹിമാങ്ക് എന്നിവരും ഞാനും മുംബൈയിൽ നിന്ന് മടങ്ങുകയായിരുന്നു. ആ ദിവസം ഞാൻ പ്രത്യേകം ഓർക്കുന്നു. ഇത് കഴിഞ്ഞ വർഷം ജൂണിലായിരുന്നു, ഒടുവിൽ എനിക്ക് ശാന്തത അനുഭവപ്പെടുന്നുവെന്ന് ഞാൻ അവനോട് പറഞ്ഞത് ഓർക്കുന്നു. വളരെക്കാലമായി എനിക്ക് അൽപ്പം വിശ്രമവും അൽപ്പം ശാന്തതയും അനുഭവപ്പെട്ടിട്ടില്ല. ഒടുവിൽ ഞാൻ എനിക്ക് ശ്വസിക്കാനും ഉറങ്ങാനും കഴിയുമെന്ന് തോന്നുന്നു, എനിക്ക് ഇപ്പോൾ ഉണർന്ന് എൻ്റെ ജോലിയിൽ ശ്രദ്ധ കേന്ദ്രീകരിക്കാനും ജോലിയിൽ മികച്ച് നിൽക്കാനും കഴിയുമെന്ന് കരുതുന്നുവെന്ന് ഞാൻ സുഹൃത്തിനോട് പറഞ്ഞു’, സമാന്ത പറഞ്ഞു.