മുംബൈ : ലാക്മേ ഫാഷൻ വീക്ക് വേദിയിൽ ആവേശം നിറച്ച് കരീന കപൂർ. ഡിസൈനർ ഗൗരവ് ഗുപ്തയുടെ ഷോസ്റ്റോപ്പറായി ബോഡി ഹഗ്ഗിങ് സ്ട്രാപ്‌ലസ് ഗൗണ്‍ ധരിച്ചാണ് കരീന റാംപിലെത്തിയത്.
ഗൗരവ് ഗുപ്തയുടെ ‘ഡെമി കൗച്ചര്‍’ എന്ന കലക്‌ഷനിലെ ഗോൾഡ്, സിൽവർ എംബ്ബല്ലിഷ്മെന്റുകൾ അഴകു ചാർത്തുന്ന ഗൗണിൽ വൺ ഷോൾഡർ നെക്‌ലൈനാണ് പ്രധാന ആകർഷണം. നടുവേ പകുത്ത മുടി ബൺ സ്റ്റൈലിലാണ് കെട്ടിവച്ചിരിക്കുന്നത്. കരീനയുടെ പ്ലം നിറത്തിലുള്ള ലിപ് ഷെയ്ഡും മനോഹരമായി എഴുതിയ കണ്ണുകളും ശ്രദ്ധ പിടിച്ചു പറ്റി.
സമുദ്രത്തിൽ നിന്നുള്‍പ്പടെയുള്ള പ്ലാസ്റ്റിക് ബോട്ടിലുകൾ, കവറുകൾ, മറ്റു നിത്യോപയോഗ സാധനങ്ങങ്ങളുടെ അവശിഷ്ടങ്ങള്‍ എന്നിവ കൊണ്ടു നിർമിച്ച തുണിയാണ് ഗൗണിന് ഉപയോഗിച്ചിരിക്കുന്നത് എന്നതാണ് ഈ ഗൗണിന്റെ പ്രത്യേകത.
‘സമുദ്രത്തിന്റെ ആഴങ്ങളിൽ നിന്നുമാണ് ഈ ഗൗൺ ജന്മം എടുത്തിരിക്കുന്നത്. നിരവധി സമുദ്രജീവികളുടെ ജീവൻ നിലനിർത്താൻ ഇതു സഹായിക്കുന്നു’ – ഗൗരവ് ഗുപ്ത കലക്‌ഷൻ അവതരിപ്പിച്ചു കൊണ്ടു പറഞ്ഞു.
Post Your Comments