ചികിത്സയില്‍ കഴിയുന്ന ആരാധികയ്ക്ക് ആശ്വാസം പകർന്ന് രജനികാന്ത്

രോഗബാധിതയായി ബംഗ്ലൂരുവിലെ സ്വകാര്യ ആശുപത്രിയില്‍ ചികിത്സയില്‍ കഴിയുന്ന സൗമ്യ എന്ന ആരാധികയ്ക്ക് വീഡിയോ സന്ദേശത്തിലൂടെ ആശ്വാസം പകര്‍ന്ന് സൂപ്പർ സ്റ്റാർ രജനികാന്ത്. അടുത്തിടെ രക്തക്കുഴലില്‍ തടസം കണ്ടെത്തിയതിനെ തുടര്‍ന്ന് ശസ്ത്രക്രിയക്ക് വിധേയനായ താരം ഇപ്പോള്‍ വീട്ടില്‍ വിശ്രമത്തിലാണ്.

‘ഹലോ സൗമ്യ, സുഖമാണോ? വിഷമിക്കേണ്ട, പെട്ടെന്ന് തന്നെ നീ സുഖം പ്രാപിക്കും. ക്ഷമിക്കണം കണ്ണാ, കൊറോണ സാഹചര്യം കാരണം എനിക്ക് നിന്നെ നേരില്‍ വന്നു കാണാനായില്ല. മാത്രമല്ല എനിക്ക് ആരോഗ്യപരമായി അത്ര സുഖവുമില്ല. അല്ലായിരുന്നുവെങ്കില്‍ തീര്‍ച്ചയായും ഞാന്‍ നിന്നെ നേരില്‍ വന്ന് കണ്ടേനേ.

@rajinikanth Thalaivar Latest Video ❤️@rameshlaus @LMKMovieManiacpic.twitter.com/gNMjXx0cps

— RajinikanthFans24x7 (@RajiniFans24x7) December 17, 2021

ധൈര്യത്തോടെയിരിക്കൂ.. ദൈവം നിന്റെ കൂടെയുണ്ട്. ഞാന്‍ നിനക്ക് വേണ്ടി പ്രാര്‍ഥിക്കുന്നുമുണ്ട്. നിന്റെ ചിരി എത്ര മനോഹരമാണ്. വിഷമിക്കണ്ട കണ്ണാ.. നീ പെട്ടെന്ന് തന്നെ സുഖം പ്രാപിക്കും…” എന്നാണ് രജനി വീഡിയോയില്‍ പറയുന്നത്. രജനിയുടെ ഈ വീഡിയോ വൈറല്‍ ആയിരിക്കുകയാണ്.