CinemaGeneralIndian CinemaLatest NewsMollywood

ഇന്ദുഗോപനായി ഷെയിന്‍ നിഗം: ‘ബർമുഡ’ ട്രെയ്‍ലർ പുറത്തെത്തി

ഷെയിന്‍ നിഗത്തെ നായകനാക്കി ടി കെ രാജീവ്‍ കുമാര്‍ സംവിധാനം ചെയ്‍ത ബര്‍മുഡയുടെ ട്രെയ്‍ലര്‍ റിലീസായി. രണ്ടേമുക്കാല്‍ മിനിറ്റ് ദൈര്‍ഘ്യമുള്ളതാണ് പുറത്തെത്തിയ ട്രെയ്‍ലർ. ഹാസ്യത്തിന് പ്രാധാന്യമുള്ള സിനിമയാണിത്. ചിത്രത്തില്‍ ഇന്ദുഗോപന്‍ എന്ന കഥാപാത്രത്തെയാണ് ഷെയ്ന്‍ അവതരിപ്പിക്കുന്നത്. ഇന്ദുഗോപന്‍ ഒരു കേസുമായി പൊലീസിനെ സമീപിക്കുന്നതോടെയാണ് ചിത്രത്തിന്‍റെ പ്ലോട്ട് വികസിക്കുന്നത്. വിനയ് ഫോര്‍ട്ട് ആണ് പൊലീസ് ഉദ്യോഗസ്ഥനായി എത്തുന്നത്.

Also Read: അപർണ ബാലമുരളിയുടെ ‘ഇനി ഉത്തരം’: പുതിയ പോസ്റ്റർ എത്തി

എൻ എം ബാദുഷ സിനിമാസ്, 24 ഫ്രെയിംസ് എന്നീ ബാനറുകളില്‍ സൂരജ് സി കെ, ബിജു സി ജെ, ബാദുഷ എന്‍ എം, ഷിനോയ് മാത്യു എന്നിവര്‍ ചേര്‍ന്നാണ് സിനിമ നിര്‍മ്മിക്കുന്നത്. കൃഷ്ണദാസ് പങ്കിയുടേതാണ് ചിത്രത്തിന്‍റെ രചന. അഴകപ്പൻ ആണ് ഛായാഗ്രഹണം. വിനായക് ശശികുമാർ, ബീയാർ പ്രസാദ് എന്നിവരുടെ വരികൾക്ക് സംഗീതം പകർന്നിരിക്കുന്നത് രമേഷ് നാരായണ്‍ ആണ്.

സൈജു കുറുപ്പ്, സുധീര്‍ കരമന, മണിയന്‍പിള്ള രാജു, ഇന്ദ്രന്‍സ്, സാജൽ സുധര്‍ശന്‍, ദിനേഷ് പണിക്കര്‍, കോട്ടയം നസീര്‍, നന്ദു, നിരഞ്ജന അനൂപ്, ഗൗരി നന്ദ, നൂറിന്‍ ഷെറീഫ്, ഷൈനി സാറ തുടങ്ങിയവരാണ് മറ്റു കഥാപാത്രങ്ങളെ അവതരിപ്പിക്കുന്നത്.

shortlink

Related Articles

Post Your Comments


Back to top button