തെരഞ്ഞെടുപ്പ് പ്രചാരണം അവസാനിക്കുന്നു ; ഇന്ന് കൊട്ടിക്കലാശം

തി​രു​വ​ന​ന്ത​പു​രം : കഴിഞ്ഞ ഒരു മാസത്തെ തെരഞ്ഞെടുപ്പ് പ്രചാരണങ്ങൾക്ക് ഇന്ന് അവസാനം. ഇന്ന് വൈകിട്ടോടെ പരസ്യ പ്രചരണങ്ങള്‍ അവസാനിക്കും. നാളെ നിശബ്ദ പ്രചരണം നടത്താം. അവസാന മണിക്കൂറുകള്‍ ആവേശമാക്കുകയാണ് പ്രവര്‍ത്തകര്‍. ഇന്ന് വൈകിട്ട് ആറു മണിയോടെയാണ് പരസ്യ പ്രചാരണത്തിന് കൊട്ടികക്കലാശമാകുക.

23ന് ​രാ​വി​ലെ ഏ​ഴു​മു​ത​ൽ വൈ​കീ​ട്ട് ആ​റ് വ​രെ​യാ​ണ് പോ​ളി​ങ്. രാ​വി​ലെ ആ​റി​ന് മോ​ക്ക്പോ​ൾ ന​ട​ക്കും. 2,61,51,534 വോ​ട്ട​ർ​മാ​രാ​ണ്​ ഇ​ക്കു​റി സം​സ്​​ഥാ​ന​ത്തു​ള്ള​ത്. ഇ​തി​ൽ 1,34,66,521 പേ​ർ സ്ത്രീ ​വോ​ട്ട​ർ​മാ​രാ​ണ്. 1,26,84,839 പു​രു​ഷ വോ​ട്ട​ർ​മാ​രു​ണ്ട്. 174 ട്രാ​ൻ​സ്‌​ജെ​ൻ​ഡ​ർ വോ​ട്ട​ർ​മാ​രു​മു​ണ്ട്. മലപ്പുറത്താണ് കൂടുതല്‍ വോട്ടര്‍മാരുള്ളത്. വയനാടാണ് കുറവ് വോട്ടര്‍മാരുള്ളത്. സം​സ്​​ഥാ​ന​ത്തെ 20 മ​ണ്ഡ​ല​ങ്ങ​ളി​ലാ​യി 227 സ്​​ഥാ​നാ​ർ​ഥി​ക​ളാ​ണ്​ ജ​ന​വി​ധി തേ​ടു​ന്ന​ത്. ഇ​തി​ൽ 23പേ​ർ​ വ​നി​ത​ക​ളാ​ണ്.

24, 970 പോളിംഗ് ബൂത്തുകളില്‍ 219 എണ്ണത്തിന് മാവോയിസ്റ്റ് ഭീഷണിയുണ്ട്. 3621 പോളിംഗ് ബൂത്തുകളില്‍ വെബ് കാസ്റ്റിംഗ് സംവിധാനം ഉണ്ടാകും. എല്ലാ ബൂത്തുകളിലും വിവിപാറ്റ് സൗകര്യവും ഉണ്ടാകും. 44,427 ബാലറ്റ് യൂണിറ്റുകളും 32,746 കണ്‍ട്രോള്‍ യൂണിറ്റുകളും 257 സട്രോങ് റൂമുകളും 57 വോട്ടെണ്ണല്‍ കേന്ദ്രങ്ങളും സജ്ജീകരിക്കും.57 കമ്പനി കേന്ദ്രസേനയെയാണു സുരക്ഷയ്ക്കായി നിയോഗിച്ചിരിക്കുന്നത്. സ്‌ട്രോങ് റൂമുകള്‍ക്ക് 12 കമ്ബനി സിആര്‍പിഎഫ് സുരക്ഷ ഒരുക്കും.