മലയാള സിനിമാ പ്രേക്ഷകര് മിക്കവരും ജഗതി ശ്രീകുമാറിന്റെ ആരാധകരായിരിക്കും. ജഗതിയുടെ തമാശകള് ആസ്വദിക്കാത്തവര് ചുരുക്കമായിരിക്കും. പ്രകാശ് രാജും അങ്ങനെ തന്നെ. പുതിയ മലയാള സിനിമയിലാണ് പ്രകാശ് രാജ് ജഗതിയുടെ കടുത്ത ആരാധകനായി അഭിനയിക്കുന്നത്. അച്ചായന്സ് എന്ന സിനിമയിലാണ് പ്രകാശ് രാജ് ജഗതിയുടെ ആരാധകനാകുന്നത്. ജയറാമാണ് ചിത്രത്തില് നായകന്. ഉണ്ണി മുകുന്ദനാണ് മറ്റൊരു പ്രധാന കഥാപാത്രത്തെ അവതരിപ്പിക്കുന്നത്. അമലാ പോളാണ് നായിക. സഞ്ജു ശിവ്റാമും സിനിമയില് ഒരു പ്രധാന കഥാപാത്രത്തെ അവതരിപ്പിക്കുന്നുണ്ട്.
കേരളത്തിന്റെയും തമിഴ്നാട്ടിന്റെയും അതിര്ത്തിയില് താമസിക്കുന്ന ഗ്രാമീണനായിട്ടാണ് പ്രകാശ് രാജ് അഭിനയിക്കുന്നത്. സങ്കടം വന്നാലും നിരാശവന്നാലും ജഗതി ശ്രീകുമാറിന്റെ തമാശകളുടെ വീഡിയോ കണ്ട് ഉത്സാഹം വീണ്ടെടുക്കുന്ന കഥാപാത്രമാണ്അദ്ദേഹത്തിന്റേത്. യഥാര്ഥ ജീവിതത്തിലേതു പോലെ കൃഷിയെ സ്നേഹിക്കുന്ന, ഫാമുള്ള കഥാപാത്രവുമാണ് ഇത്. കണ്ണന് താമരക്കുളം ആണ് സിനിമ സംവിധാനം ചെയ്യുന്നത്.
Post Your Comments