നടി ആക്രമിക്കപ്പെട്ട കേസ് പുതിയ വഴിത്തിരിവിലേക്ക് . ദിലീപ് നായകനായി എത്തിയ ജോര്‍ജേട്ടന്‍സ് പൂരത്തിന്റെ സെറ്റിൽ പൾസർ എത്തിയത് ഡ്രൈവറായി ആണെന്ന് അന്വേഷണ സംഘത്തിന് വിവരം ലഭിച്ചു. പൾസർ സെറ്റിൽ നിൽക്കുന്നതായ ചിത്രങ്ങൾ കഴിഞ്ഞ ദിവസം പോലീസ് പുറത്തു വിട്ടിരുന്നു .
പകരക്കാരന്‍ ഡ്രൈവറായി സുനി രണ്ട് ദിവസം സിനിമയുടെ സെറ്റില്‍ ഉണ്ടായിരുന്നതായാണ് പോലീസിന് ലഭിച്ച വിവരം. ഇതിനെ തുടര്‍ന്ന് സുനിയെ സെറ്റിലെത്തിച്ച ലൊക്കേഷന്റെ ചുമതലയുണ്ടായിരുന്ന മുരുകന്‍ എന്നയാളെ പോലീസ് ചോദ്യം ചെയ്തു. അതേസമയം പള്‍സര്‍ സുനി സെറ്റിലുണ്ടായിരുന്ന കാര്യം തനിക്ക് അറിയില്ലെന്ന് ചിത്രത്തിന്റെ പ്രൊഡക്ഷന്‍ കണ്‍ട്രോളര്‍ ദീപു മാധ്യമങ്ങളോട് പറഞ്ഞു.
പള്‍സറിന് തന്റെ സിനിമയുമായി യാതൊരു ബന്ധവുമില്ലെന്ന് ജോര്‍ജേട്ടന്‍സ് പൂരത്തിന്റെ സംവിധായകന്‍ ബിജു കഴിഞ്ഞ ദിവസം പറഞ്ഞിരുന്നു. എന്നാല്‍, ഇതിന് നേര്‍ വിപരീതമാണ് ഇപ്പോള്‍ പോലീസിന് ലഭിച്ച വിവരം.
Post Your Comments