ആദ്യ ചിത്രത്തില് തന്നെ മമ്മൂട്ടിയുടെ നായികയായതിന്റെ ത്രില്ലിലാണ് പുതുമുഖ നടി വന്ദിത മനോഹരന്. ഗാനഗന്ധര്വന് സിനിമയില് മമ്മൂട്ടിയുടെ ഭാര്യ വേഷമാണ് താന് ചെയ്യുന്നതെന്നറിഞ്ഞപ്പോള് പേടിയും സന്തോഷവും തോന്നിയെന്ന് വന്ദിത പറയുന്നു. ഏതൊരു ആര്ട്ടിസ്റ്റും അദ്ദേഹത്തിനൊപ്പം നിന്ന് ഒരു ഡയലോഗ് എങ്കിലും പറയാന് ആഗ്രഹിക്കുമെന്നും വന്ദിത പങ്കുവയ്ക്കുന്നു.
‘മമ്മുക്കയുടെ നായിക ആണെന്ന് അറിഞ്ഞു തന്നെയാണ് ഫോട്ടോ അയച്ചത്. പക്ഷെ അദ്ദേഹത്തിന്റെ ഭാര്യയായുള്ള മുഴുനീള വേഷമാണെന്ന് അറിഞ്ഞപ്പോള് പേടിയും സന്തോഷവുമൊക്കെ തോന്നി. ഇത്രയും മഹാനായ നടന്റെ കൂടെ ഒരു ഡയലോഗ് എങ്കിലും പറയാന് കഴിഞ്ഞെങ്കിലെന്നു ഏതൊരു ആര്ട്ടിസ്റ്റും ആഗ്രഹിച്ചു പോകും. മമ്മുക്കയെ ഒന്ന് കാണാന് എങ്കിലും കഴിഞ്ഞിരുന്നുവെങ്കില് എന്ന് പ്രാര്ത്ഥിച്ചിട്ടുണ്ട്. പൂജ നടന്ന ദിവസമാണ് അദ്ദേഹത്തെ ആദ്യമായി നേരിട്ട് കണ്ടത്. അതുതന്നെ ജീവിതത്തിലെ ഏറ്റവും സന്തോഷകരമായ മുഹൂര്ത്തങ്ങളില് ഒന്നാണ്.പലരും പറഞ്ഞു കേട്ടിരുന്ന പോലെ ദേഷ്യക്കാരനൊന്നുമല്ല മമ്മുക്ക. എന്ന് എല്ലാവര്ക്കും ഇപ്പോള് അറിയാം. എന്നോടും സ്നേഹത്തോടെയാണ് അദ്ദേഹം പെരുമാറിയത്. എന്തെങ്കിലും തെറ്റ് പറ്റിയാല് തമാശായിലൂടെ അത് പറഞ്ഞു മനസിലാക്കി തരും. വോയിസ് മോഡുലേഷനെക്കുറിച്ചും പറഞ്ഞു തന്നു’. കേരള കൗമുദി ആഴ്ചപതിപ്പിന് നല്കിയ അഭിമുഖത്തിലാണ് മമ്മൂട്ടിയുമൊത്തുള്ള അഭിനയ നിമിഷങ്ങളെക്കുറിച്ച് വന്ദിത മനോഹരന് പങ്കുവെച്ചത്.
Post Your Comments