ജി എസ് പ്രദീപിനോടുള്ള ആളുകളുടെ മതിപ്പ് ഇല്ലാതാക്കിയത് ആ റിയാലിറ്റി ഷോയാണ് ; അനൂപ് ചന്ദ്രൻ പറയുന്നു

നടനായും നാടക നടനായും പ്രേക്ഷർക്കിടയിൽ വ്യക്തിമുദ്ര പതിപ്പിച്ച താരമാണ് അനൂപ് ചന്ദ്രൻ. തൃശൂർ സ്കൂൾ ഓഫ് ഡ്രാമയിൽനിന്നാണ് താരം അഭിനയം പഠിക്കുന്നത്. ടി.കെ. രാജീവ്കുമാറിന്റെ സുന്ദരി എന്ന ചിത്രത്തിലൂടെയാണ് താരം അഭിനയ രംഗത്തേക്ക് കടക്കുന്നത്. പിന്നീട് നിരവധി ചിത്രങ്ങളിലൂടെ അഭിനയ രംഗത്ത് സജീവമായിരുന്നു താരം.

അതിന് ശേഷം താരത്തിന്റെ ജീവിതം തന്നെ മാറ്റി മറിച്ച ഷോ ആയിരുന്നു ബിഗ് ബോസ് സീസൺ ഒന്ന് . താരത്തെ കൂടുതൽ അറിയാൻ പ്രേക്ഷകർക്ക് ലഭിച്ച സുന്ദര നിമിഷങ്ങളായിരുന്നു ബിഗ് ബോസിൽ നടന്നത്.  ഇപ്പോഴിതാ ഷോയുടെ രണ്ടാം സീസൺ ഞായറാഴ്ച മുതൽ അരങ്ങേറാൻ തുടങ്ങുകയാണ്. ഒപ്പം ബിഗ് ബോസിനെപ്പറ്റിയുള്ള വിശേഷങ്ങൾ താരം ടൈംസ് ഓഫ് ഇന്ത്യ ഓൺലൈനിലൂടെ പങ്ക് വയ്ക്കുകയാണ്.

ബിഗ് ബോസ് ഒരു തരത്തിൽ പറാഞ്ഞാൽ, മനസ്സിനെ കുറിച്ചുള്ള പഠനമാണ്. ജീവിതത്തിൽ പല ഭാഗങ്ങളിൽ നിന്ന് വരുന്നവർ, പല അഭിപ്രയങ്ങളിലുള്ളവർ ഒരുമിച്ചെത്തുന്ന സ്ഥലം. അപ്പോൾ സമൂഹത്തെ പറ്റിയുള്ള കൂടുതൽ കാഴ്ചപ്പാടുകൾ ലഭിക്കുന്ന ഒരേട് കൂടിയാണ് ബിഗ് ബോസ് വീട്. ഇത്തവണ ഞാൻ ബിഗ് ബോസിലേക്ക് കാണാൻ ആഗ്രഹിക്കുന്നത് ഗ്രാൻഡ് മാസ്റ്റർ ജി എസ് പ്രദീപിനെയാണ്. പ്രദീപിനോടുള്ള ആളുകളുടെ മതിപ്പ് ഇല്ലാതെ ആക്കിയത്, ഒരു ഒരു റിയാലിറ്റി ഷോയുടെ ഭാഗം ആയതിനെത്തുടർന്നാണ്.. അദ്ദേഹം ബിഗ് ബോസിന്റെ പുതിയ സീസണിൽ എത്തിയാൽ അദ്ദേഹത്തെ പറ്റി, അദ്ദേഹത്തിന്റെ സ്വഭാവത്തെ പറ്റി കൂടുതൽ അറിയാൻ സാധിക്കും. അദ്ദേഹത്തിന്റെ അറിവും, കാഴ്ചപ്പാടുകളും ദീർഘവീക്ഷണവും ഷോയെ എന്റർടെയിൻ ചെയ്യിക്കും എന്നാണ് ഞാൻ കരുതുന്നത്.അനൂപ് പറഞ്ഞു.

കലാ- കായിക, കാർഷിക മേഖലകളിൽ നിന്നുള്ള വ്യക്തികളെ കൂടി മത്സരാർത്ഥികളായി കൂടി ഷോയിൽ ഉൾപ്പെടുത്താമെന്നും അനൂപ് അഭിപ്രായപ്പെട്ടു.