ഇത് പറയാന്‍ അദ്ദേഹത്തിന് ഇഷ്ടമല്ല, പക്ഷേ അദ്ദേഹത്തിന് 63 വയസുണ്ട്; താരപുത്രി പറയുന്നു

കോവിഡ് 19 വ്യാപനത്തിന്റെ ജാഗ്രതയിലാണ് ലോകം. അതിനിടയില്‍ യു കെ യില്‍ നിന്നും തിരിച്ചെത്തിയിരിക്കുകയാണ് ബോളിവുഡ് താരസുന്ദരി സോനം കപൂറും ഭര്‍ത്താവ് ആനന്ദ് അഹൂജയും. ലോകമെമ്ബാടുമുള്ള ജനങ്ങള്‍ ഈ അവസരത്തില്‍ യാത്ര ചെയ്യരുതെന്നും അവര്‍ താമസിക്കുന്നിടത്ത് താമസിക്കരുതെന്നും നിര്‍ദ്ദേശിച്ചിരുന്നുവെങ്കിലും സോനം പെട്ടെന്ന് തന്നെ ഇന്ത്യയിലേക്ക് മടങ്ങുകയായിരുന്നു.

അപകടം നിറഞ്ഞതായിരുന്നെങ്കിലും താന്‍ മടങ്ങിയതിന് കാരണമുണ്ടെന്ന് സോനം പങ്കുവച്ചു. തന്റെ അച്ഛന്‍ അനില്‍ കപൂറിന് 63 വയസായി എന്നായിരുന്നു സോനത്തിന്റെ വെളിപ്പെടുത്തല്‍. “എന്റെ അച്ഛന് 63 വയസുള്ളതിനാലാണ് യാത്രാ വിലക്ക് ഏര്‍പ്പെടുത്തുന്നതിനു തൊട്ടുമുമ്ബ് ഞാന്‍ ഇന്ത്യയിലേക്ക് മടങ്ങാന്‍ തീരുമാനിച്ചത്. ഇത് പറയാന്‍ അദ്ദേഹത്തിന് ഇഷ്ടമല്ല, പക്ഷേ അദ്ദേഹത്തിന് 63 വയസുണ്ട്. ഞങ്ങള്‍ക്ക് പറക്കാന്‍ ഭയമുണ്ടായിരുന്നെങ്കിലും ആനന്ദും ഞാനും തിരികെ വരികയായിരുന്നു” എന്ന് സോനം വ്യക്തമാക്കി.