മലയാള സിനിമയില്‍ യുവനടന്മാരില്‍ ശ്രദ്ധേയനാണ് ബിനീഷ് ബാസ്റ്റിന്‍. കോവിഡ് വ്യാപനത്തിന്റെ ഘട്ടത്തില്‍ സിനിമാ മേഖലയും അടച്ചിട്ടതോടെ വരുമാനമില്ലാതെ കഷ്ടപ്പെടുകയാണ് പല താരങ്ങളും. ഷൂട്ടിംഗ് ആരംഭിച്ചുവെങ്കിലും പൂര്‍ണമായും പഴയ രീതിയിലേയ്ക്ക് എത്തിയിട്ടില്ല. ഈ അവസരത്തില്‍ കാര്യങ്ങള്‍ മെച്ചപ്പെട്ടില്ലെങ്കില്‍, വീണ്ടും കല്‍പ്പണിക്ക് പോകുമെന്നു ടൈംസ് ഓഫ് ഇന്ത്യയ്ക്ക് നല്‍കിയ അഭിമുഖത്തില്‍ താരം പറയുന്നു.
”കഴിഞ്ഞ രണ്ട് വര്‍ഷമായി, മഴക്കാലത്ത് എന്റെ പ്രദേശം വെള്ളത്തിനടിയിലാണ്. പോസിറ്റീവായി തുടരാന്‍ ശ്രമിക്കുമ്ബോള്‍, കോവിഡ് -19 വന്നു. “ലോക്ക്ഡൗണിന് ഒരു മാസം മുമ്ബുവരെ, എനിക്ക് മാസത്തില്‍ 15 ഉദ്ഘാടനങ്ങളെങ്കിലും ഉണ്ടായിരുന്നു. കുറച്ച്‌ പ്രൊജക്റ്റുകളുടെ ഷൂട്ടിംഗ് ഞാന്‍ പൂര്‍ത്തിയാക്കിയിരുന്നു, എല്ലാം നിലച്ചപ്പോള്‍ മറ്റ് ചിത്രങ്ങള്‍ ആരംഭിക്കാന്‍ ഞാന്‍ കാത്തിരിക്കുകയായിരുന്നു. പകര്‍ച്ചവ്യാധി കാരണം, കാര്യങ്ങള്‍ ഇപ്പോള്‍ അനിശ്ചിതത്വത്തിലാണ്. സമയം ചെലവഴിക്കാനും കുറച്ച്‌ പണം സമ്ബാദിക്കാനും ഞാന്‍ പാചക വീഡിയോകള്‍ ചെയ്ത് സോഷ്യല്‍ മീഡിയ പേജില്‍ പോസ്റ്റ് ചെയ്യുന്നു. എന്റെ കൈവശമുള്ള സമ്ബാദ്യം കൊണ്ടാണ് ഞാന്‍ അതിജീവിക്കുന്നത്. എന്നാല്‍ കാര്യങ്ങള്‍ മെച്ചപ്പെട്ടില്ലെങ്കില്‍, വീണ്ടും കല്‍പ്പണിക്ക് പോകും. അതി ജീവനമാണ് ഇപ്പോള്‍ മുന്‍ഗണന,” ബിനീഷ് പങ്കുവച്ചു.
Post Your Comments