14-ാം വയസ്സില്‍ ഏറെ വിശ്വസിച്ചിരുന്ന ആളില്‍ നിന്നും നേരിട്ട ദുരനുഭവം വെളിപ്പെടുത്തി ഹോളിവുഡ് താരം ജെസി കേവ്. ആ സംഭവം ഇന്നും തന്നെ വേട്ടയാടുന്നുവെന്ന് താരം തുറന്നു പറയുന്നു.
”14-ാം വയസ്സില്‍ ഞാന്‍ ഏറെ ബഹുമാനിക്കുകയും വിശ്വസിക്കുകയും ചെയ്യുന്ന ടെന്നീസ് പരിശീലകനാണ് എന്നെ പീഡനത്തിന് ഇരയാക്കിയത്. ഞാന്‍ നന്നായി ടെന്നീസ് കളിക്കുമായിരുന്നു. എന്നാല്‍ അയാള്‍ അധ്യാപകനെന്ന പദവി അയാള്‍ ചൂഷണം ചെയ്തു. എന്നെ സംരക്ഷിക്കേണ്ടിയിരുന്ന എന്റെ അധ്യാപകന്‍ അങ്ങനെ ചെയ്യുമെന്ന് ഒരിക്കലും കരുതിയിരുന്നില്ല. പിന്നീട് അയാള്‍ കുറ്റത്തിന് ജയിലില്‍ പോയി. എന്നിരുന്നാലും ആ സംഭവങ്ങള്‍ എന്നിലുണ്ടാക്കിയ മാനസിക പ്രശ്നങ്ങള്‍ ഭീകരമായിരുന്നു. പതിനെട്ട് വയസ്സുവരെ ഞാനതെക്കുറിച്ച്‌ അത്ര ബോധവതിയായിരുന്നില്ല. പിന്നീടാണ് അത് ജീവിതകാലം മുഴുവന്‍ എന്നെ വേട്ടയാടുന്നുവെന്ന സത്യം ഞാന്‍ തിരിച്ചറിഞ്ഞത്” ജെസി കേവ് പറഞ്ഞു.
ഹാരി പോര്‍ട്ടര്‍ സീരീസിലെ ലാവെന്റര്‍ ബ്രൗണ്‍ എന്ന കഥാപാത്രത്തിലൂടെ ശ്രദ്ധ നേടിയ ജെസി കേവ് സഹോദരി ബാബേ കേവിനൊപ്പം പങ്കെടുത്ത പോഡ്കാസ്റ്റ് വീഡിയോയിലാണ് ഈ വെളിപ്പെടുത്തല്‍ നടത്തിയത്. നടന്‍ ആല്‍ഫി ബ്രൗണാണ് ജെസിയുടെ ജീവിത പങ്കാളി.
Post Your Comments