ആര്യയുടെ ബിഗ് ബജറ്റ് ത്രില്ലർ ചിത്രം: ‘ക്യാപ്റ്റൻ’ ഓണത്തിന് തിയേറ്ററുകളിൽ

തെന്നിന്ത്യൻ സൂപ്പർതാരം ആര്യ നായകനായെത്തുന്ന ബിഗ് ബജറ്റ് ചിത്രം ‘ക്യാപ്റ്റൻ’ സെപ്റ്റംബർ 8ന് കേരളത്തിലെ തിയേറ്ററുകളിലെത്തുന്നു. ഷിബു തമീൻസിന്റെ നേതൃത്വത്തിലുള്ള റിയാ ഷിബുവിന്റെ എച്ച്ആർ പിക്ചേഴ്സ് ആണ് ചിത്രത്തിന്റെ കേരളത്തിലെ വിതരണക്കാർ. വിക്രം’, ‘ആർആർആർ’, ‘ഡോൺ’ എന്നീ ചിത്രങ്ങളുടെ വൻ വിജയത്തിന് ശേഷമാണ് എച്ച്ആർ പിക്ചേഴ്സ് ‘ക്യാപ്റ്റൻ’ കേരളത്തിൽ വിതരണത്തിന് എത്തിക്കുന്നത്.

ശക്തി സൗന്ദർ രാജൻ സംവിധാനം ചെയ്യുന്ന ‘ക്യാപ്റ്റനി’ൽ ആര്യക്കൊപ്പം മലയാളികളുടെ പ്രിയങ്കരിയായ ഐശ്വര്യ ലക്ഷ്മിയാണ് നായികാ കഥാപാത്രത്തെ അവതരിപ്പിക്കുന്നത്. സിമ്രാൻ ബാഗ, ഹരീഷ് ഉത്തമൻ, മാളവിക അവിനാഷ്, ഗോകുൽ നാഥ്, ആദിത്യ മേനോൻ എന്നിവരാണ് ചിത്രത്തിലെ മറ്റു പ്രധാന കഥാപാത്രങ്ങളെ അവതരിപ്പിക്കുന്നത്.

Also Read: വ്യത്യസ്ത ലുക്കിൽ വിജയ് സേതുപതി: ‘വിടുതലൈ 1’ പൂർത്തിയായി

ഇന്ത്യൻ ആർമി ക്യാപ്റ്റൻ വെട്രി സെൽവൻ എന്ന കഥാപാത്രമായാണ് ആര്യ ചിത്രത്തിലെത്തുന്നത്. കഴിഞ്ഞ ആഴ്ച പുറത്തിറങ്ങിയ ചിത്രത്തിന്റെ ട്രെയിലറിന് ഗംഭീര സ്വീകാര്യത ലഭിച്ചിരുന്നു. ആറു മില്യണിൽ പരം കാഴ്ചക്കാരുമായി ട്രെൻഡിങ്ങിൽ ആണ് ‘ക്യാപ്റ്റന്റെ ‘ ട്രൈയിലർ. ട്രെയിലറിന്റെ സ്വീകാര്യത സൂചിപ്പിക്കുന്നത് പ്രേക്ഷർക്ക് ഒരു ഗംഭീര ഓണവിരുന്നായിരിക്കും ‘ക്യാപ്റ്റൻ’ എന്ന ചിത്രം എന്നു തന്നെയാണ്.

ക്യാമറ – എസ് യുവ, സംഗീതം – ഡി ഇമ്മൻ, എഡിറ്റിംഗ് – പ്രദീപ് ഇ രാഘവ്, സ്റ്റണ്ട്സ് – ശക്തി ശരവണൻ, ഗണേഷ് കെ, ആർട്ട് ഡയറക്ടർ – എസ് എസ് മൂർത്തി, ഡയറക്ടർ ഓഫ് ഫോട്ടോഗ്രാഫി – എസ് യുവ, പിആർഒ – പ്രതീഷ് ശേഖർ.