പണം ഞാൻ കഷ്ടപ്പെട്ട് ജോലി ചെയ്ത് നേടുന്നത്; 3 ലക്ഷത്തിന്റെ ബാ​ഗോ, ചെരിപ്പോ ഉപയോ​ഗിക്കാറില്ല: ശ്രുതി ഹാസൻ

ആഡംബരങ്ങളിൽ ഭ്രമിക്കാറില്ലെന്ന് നടി ശ്രുതി ഹാസൻ. കൈയ്യിലുള്ള പണം കഷ്ട്ടപ്പെട്ട് താൻ സമ്പാദിച്ചതാണ്. 3 ലക്ഷത്തിന്റെ ബാ​ഗോ, അൻപതിനായിരത്തിന്റെ ചെരിപ്പോ, വാങ്ങി ആ പണം നഷ്ട്ടപ്പെടുത്താനില്ലെന്നും താരം പറയുന്നു.

ആഡംബരത്തിന്റെ പിറകെ പോകാനില്ല, പകരം തനിക്ക് കംഫർട്ടബിളായിട്ടുള്ള വസ്തുക്കൾ ഏതായാലും വാങ്ങി ഉപയോ​ഗിക്കുമെന്നും ശ്രുതി ഹാസൻ പറയുന്നു.

ബാ​ഗുകൾക്കും, വസ്ത്രങ്ങൾക്കുമെല്ലാം കോടികൾ ചിലവഴിക്കുന്ന താരങ്ങളെക്കുറിച്ചാണ് നാം ദിനവും കേൾക്കാറുള്ളത്. എന്നാൽ അതിൽ നിന്നെല്ലാം വ്യത്യസ്തമായി ചിന്തിക്കുകയാണ് നടി ശ്രുതി.

ഒരു ബാ​ഗിന് 3 ലക്ഷം, ഒരു ചെരിപ്പിന് 50000 എന്നിങ്ങനെ വാങ്ങാൻ തുടങ്ങിയാൽ അതെവിടെ ചെന്ന് നിൽക്കുമെന്നും താരം ചോദിക്കുന്നു. അങ്ങനെ ചെയ്യാൻ സാധിക്കില്ല എന്നെനിക്ക് മനസ്സിലായി.

അതിനാൽ എനിക്ക് മറ്റുള്ളവർ പറയുന്ന പോലത്തെ ഫാഷനിസ്റ്റ് ആകുവാൻ എനിക്ക് സാധിക്കില്ല, മറ്റുള്ളവരെ കാണിക്കാനായി പെരുമാറുന്നത് തന്റെ ശീലമല്ലെന്ന് താരം തുറന്ന് പറയുന്നു.