കാസർ​ഗോഡിനെക്കാൾ ലഹരി ചിലപ്പോൾ കൊച്ചിയിൽ കിട്ടും: പ്രതികരിച്ച് നടൻ ബാബുരാജ്

അടുത്തിടെ രജപുത്ര രഞ്ജിത് പറഞ്ഞ ലഹരി മരുന്നിനെക്കുറിച്ചുള്ള കാര്യങ്ങൾ വിവാദമായി മാറിയിരുന്നു.

ലഹരി മരുന്ന് ലഭിക്കുന്നതിനാലാണ് സംവിധായകർ കാസർ​ഗോഡ് സിനിമാ ചിത്രീകരണം നടത്താൻ തിരഞ്ഞെടുക്കുന്നതെന്നാണ് രജപുത്ര രഞ്ജിത് പറഞ്ഞത്.

നിരവധി പേരാണ് വിഷയത്തിൽ പ്രതികരിച്ച് രം​ഗത്തെത്തിയത്. രഞ്ജിത് ചേട്ടൻ പറഞ്ഞതിനെ ഖണ്ഡിച്ച് പറയാൻ മറ്റൊന്നുമില്ല, കാസർ​ഗോഡിനേക്കാൾ കൂടുതൽ ലഹരി മരുന്നുകൾ ചിലപ്പോൾ കൊച്ചിയിൽ കിട്ടിയേക്കുമെന്നും ബാബുരാജ് പറഞ്ഞു.

പ്രൊഡ്യൂസർ അസോസിയേഷൻ അം​ഗങ്ങൾ ശ്രീനാഥ് ഭാസിയെയും, ഷെയ്ൻ നി​ഗത്തെയും കുറിച്ച് പറയുന്ന കാര്യങ്ങൾ കേട്ട് തലകുനിക്കേണ്ടി വന്നുവെന്നും ബാബുരാജ് പറഞ്ഞു.

ജനറലായി കാര്യങ്ങൾ പറയുമ്പോൾ അമ്മയിലേക്ക് കാര്യങ്ങൾ വരുമെന്നും അത് മറ്റുള്ള എല്ലാവരെയും ബാധിക്കുമെന്നും ബാബുരാജ് പറഞ്ഞു.