എന്റെ സിനിമയിൽ 8 നായികമാർ വന്നാൽ മിമിക്രിക്കാർക്ക് എന്താണ് പ്രശ്നം: പ്രതികരിച്ച് നടൻ സന്തോഷ് പണ്ഡിറ്റ്

 

ചില മിമിക്രി ആർട്ടിസ്റ്റുകൾക്ക് തന്നോട് വലിയ ദേഷ്യമാണെന്ന് നടൻ സന്തോഷ് പണ്ഡിറ്റ്.

താൻ മലയാള സിനിമയ്ക്ക് വലിയ പ്രശ്നമാണെന്ന തരത്തിലൊക്കെ ഇവർ സംസാരിക്കാറുണ്ടെന്നും നടൻ പറഞ്ഞു.

എട്ട് നായികമാർ തന്റെ സിനിമയിൽ അഭിനയിക്കുന്നതിന് മിമിക്രി രം​ഗത്തുള്ളവർക്ക് ഇത്ര പ്രശ്നം എന്താണെന്ന് മനസ്സിലാകുന്നില്ലെന്നും സന്തോഷ് പറയുന്നു.

നമ്മളൊക്കെ ഒരു പരിപാടിക്ക് പോകുമ്പോൾ പെണ്ണിനെ കിട്ടാതെ ആണിനെ പെണ്ണാക്കുകയാണ്, സന്തോഷിന് 8 നായികമാർ വരെ റെഡിയാണ് ഇതെങ്ങനെ സാധിക്കുന്നുവെന്ന് ഒരു മിമിക്രി ആർട്ടിസ്റ്റ് തന്നോട് ചോദിച്ചെന്നും നടൻ സന്തോഷ് പണ്ഡിറ്റ്.

പലർക്കും അവരുടെ സ്വത്ത് ഞാൻ പറ്റിച്ചെടുത്ത പോലെയാണ്, ദേഷ്യമാണ്. എങ്കിലും പ്രശ്നമില്ല, ജീവിതത്തിൽ വളരണമെങ്കിൽ സുഹൃത്തുക്കൾ വേണം എന്ന് മനസ്സിലാക്കിയതായും സന്തോഷ് പറഞ്ഞു.