സൂപ്പർ ഹിറ്റ് ചിത്രം ബാർബി സ്വവർ​ഗരതിയെ പ്രോത്സാഹിപ്പിക്കുന്നുവെന്ന് പ്രചരണം, ലബനനിൽ നിരോധിച്ചേക്കും: വിവാദം

സൂപ്പർ ഹിറ്റ് ചിത്രം ബാർബിക്കെതിരെ വിമർശനം ശക്തമാകുന്നു. സിനിമ നിരോധിക്കണമെന്നാണ് പലരും അഭിപ്രായപ്പെടുന്നത്.

നോളൻ ചിത്രം ഓപ്പൺഹൈമറെ പിന്നിലാക്കി ചരിത്രം രചിച്ച ചിത്രം കൂടിയാണ് ബാർബി. വിയറ്റ്നാമും കുവൈറ്റും ചിത്രത്തിന് വിലക്കേർപ്പെടുത്തിയെന്ന റിപ്പോർട്ടുകളാണ് പുറത്ത് വരുന്നത്. സ്വവർ​ഗ രതിക്ക് അമിത പ്രാധാന്യം നൽകുകയും അത് സമൂഹത്തിൽ പ്രോത്സാഹിപ്പിക്കുകയും ചെയ്യുന്നുവെന്ന് ഫിലിം സെൻസർഷിപ്പ് കമ്മിറ്റി ചെയർമാൻ ലാഫി അൽസുബൈ ആരോപിച്ചു.

സിനിമക്കെതിരെ പ്രതിഷേധം ഇത്തരത്തിൽ ശക്തമാകുന്നതോടെ ലെബനനിലും ചിത്രം വിലക്ക് ഏർപ്പെടുത്തുവാൻ ഒരുങ്ങുകയാണെന്നാണ് സൂചന. സ്വവർ​ഗരതിയെ പ്രോത്സാഹിപ്പിക്കുന്നു എന്ന് കാട്ടിയാണ് ലെബനനും ചിത്രത്തിന്
വിലക്കേർപ്പെടുത്താനൊരുങ്ങുന്നത്.

തങ്ങളുടെ വിശ്വാസ രീതിക്കും മൂല്യങ്ങൾക്കും അനുയോജിച്ച ചിത്രമല്ല ബാർബിയെന്ന് ലെബനൻ സാംസ്കാരിക മന്ത്രി മുഹമ്മദ് മൊർതഡ പ്രതികരിച്ചു. ​ഗ്രെറ്റ ​ഗെർവി​ഗ് സംവിധാനം ചെയ്ത ചിത്രം വൻ കുതിപ്പാണ് നടത്തുന്നത്.  നോളൻ ചിത്രത്തിനുപോലും ബാർബിയുടെ മുന്നിൽ പിടിച്ചുനിൽക്കാൻ കഴിഞ്ഞിരുന്നില്ല. ലോകമെങ്ങും വൻ വരവേൽപ്പ് ലഭിച്ച ചിത്രം കൂടിയാണ് ബാർബി.  സോഷ്യൽ മീഡിയയിലടക്കം ചിത്രത്തിനെതിരെ പ്രചരണങ്ങൾ നടക്കുന്നുണ്ട്.