ഇരട്ട ക്ലൈമാക്സുമായെത്തി മലയാളക്കരയിൽ വിജയം തീർത്ത ചലച്ചിത്രമാണ് ‘ഹരികൃഷ്‍ണൻസ്’. വക്കീലന്മാരായ ‘ഹരി’യും ‘കൃഷ്‍ണനു’മായിയെത്തിയത് മമ്മൂട്ടിയും മോഹൻലാലുമായിരുന്നു. സംവിധാനം ഫാസിൽ ഒരുക്കിയ ‘ഹരികൃഷ്‍ണൻസി’നെക്കുറിച്ച് മമ്മൂട്ടി പറഞ്ഞ വാക്കുകളാണ് ഇപ്പോൾ ആരാധകർക്കിടയിൽ ചർച്ചയാകുന്നത്.
read also: രഹസ്യങ്ങൾ എല്ലാവരും അറിയട്ടെ, എന്റെയൊക്കെ മുടി നരച്ചതാ, ഡൈയടിച്ചതാണ്: തുറന്ന് പറഞ്ഞ് മമ്മൂട്ടി
ഒരു ബ്രില്യന്റ് സിനിമ എന്നായിരുന്നു മമ്മൂട്ടി ഹരികൃഷ്ണൻസിനെക്കുറിച്ച് പങ്കുവച്ചത്. ‘രണ്ട് പേര്‍ക്കും തുല്യ സ്‍പേസുള്ള ഒരു ചിത്രമായിരുന്നു ‘ഹരികൃഷ്‍ണൻസ്’. ‘ഹരി’യായി ഞാനും ‘കൃഷ്‍ണനാ’യി മോഹൻലാലും ആയിരുന്നു. രണ്ട് പേരാണെങ്കിലും അവര്‍ ഒന്നായിരുന്നു. അങ്ങനെയായിരുന്നു ആ ചിത്രത്തില്‍ ഉണ്ടായിരുന്നത്. ‘മീര’യെ രണ്ട് പേര്‍ക്കും കിട്ടി. എന്നാല്‍ രണ്ട് പേര്‍ക്കും കിട്ടിയില്ല. അങ്ങനെയായിരുന്നു അവതരിപ്പിച്ചത്. അതുകൊണ്ട് ‘മീര’യെ തേടി നിരാശകാമുകൻമാരായി തങ്ങള്‍ താടിവെച്ച് നടക്കുകയാണ്’- മമ്മൂട്ടി തമാശയായി പറഞ്ഞു. സ്വകാര്യ ചാനല്‍ സംഘടിപ്പിച്ച അവാര്‍ഡ് ഷോയിൽ, ഫാസിലിന്റെയും മോഹൻലാലിന്റേയും സാന്നിദ്ധ്യത്തിലായിരുന്നു മമ്മൂട്ടിയുടെ പ്രതികരണം.
Post Your Comments