തമിഴ് സൂപ്പർ താരം വിജയകാന്തിന്റെ നില ​തൃപ്തികരമല്ല: മെഡിക്കൽ ബുള്ളറ്റിൻ പുറത്ത്

നടൻ വിജയകാന്തിന്റെ നില തൃപ്തികരമല്ലെന്ന് ആശുപത്രി അധികൃതർ. ചെന്നൈയിലെ ആശുപത്രിയിലാണ് നടൻ ചികിത്സയിലുള്ളത്.

വിജയ കാന്തിൻ്റെ ആരോഗ്യ സ്ഥിതിയെ കുറിച്ച് ചെന്നൈ മിയറ്റ് ഹോസ്പിറ്റലിൻ്റെ പ്രസ്സ് റിലീസ് പുറത്ത്. ശ്രീ. വിജയ കാന്തിൻ്റെ ആരോഗ്യ നിലയിൽ വലിയ പുരോഗതി കാണപ്പെട്ടു.

എന്നിരുന്നാലും കഴിഞ്ഞ ഇരുപത്തി നാലു മണിക്കൂറിൽ അദ്ദേഹത്തിൻ്റെ ആരോഗ്യം അല്പം മോശമായി. ശ്വാസ കോശത്തിന് ചികിത്സ ആവശ്യമാണ്. ഉടൻ തന്നെ അദ്ദേഹം സുഖം പ്രാപിക്കും എന്ന് വിശ്വാസമുണ്ട്. ഇനിയും പതിനാല് ദിവസത്തെ ചികിത്സ ആവശ്യമാണ് എന്ന് മെഡിക്കൽ ബുള്ളറ്റിനിൽ വ്യക്തമാക്കി.