ബിഗ് ബോസ് മലയാളം 2 ആരംഭിച്ചു മണിക്കൂറുകൾ മാത്രം ആയപ്പോഴേക്കും ഷോയിൽ കലപില ശബ്ദങ്ങൾ ആരംഭിച്ചു കഴിഞ്ഞു. ഹെൽത്തിന്റെയും,മാലിന്യ സംസ്കരണത്തിന്റെയും പേരിലാണ് രജിത് മത്സരാർത്ഥികളെ ബോധവാന്മാരാക്കാൻ ശ്രമിച്ചത്. എന്നാൽ രജിത്തിന്റെ ഉപദേശം മത്സരാർഥികളിൽ പലർക്കും ദേഷ്യവും, അരോചകമായ ഫീലിങ്ങും ആണ് സമ്മാനിച്ചത്.
മാലിന്യ സംസ്കരണത്തെ പറ്റിയും, പ്ലാസ്റ്റിക് വിമുക്തതേയും പറ്റി സംസാരിക്കുന്ന രജിത്തിനോട് ഞങ്ങൾ എല്ലാവരും വീടുകളിൽ ഇങ്ങനെയാണ് ചെയ്യുന്നതെന്ന് മഞ്ജു പത്രോസ് പറയുന്നതോടെ അദ്ദേഹത്തിന്റെ ബോധവത്കരണത്തിന് അൽപ്പം ശമനം ഉണ്ടാകുന്നു. ശേഷം ആർ ജെ രഘുവിന് കുട്ടികൾ ഇല്ലാത്തതിനെ പറ്റിയും രജിത് ക്ലാസ് എടുക്കാൻ തുടങ്ങുമ്പോൾ തന്നെ ഇരുവരും വാഗ്വാദത്തിൽ ഏർപ്പെടുന്നു. കിടക്കും മുൻപ് താൻ സ്വയം പ്യൂരിഫൈ ചെയ്യുന്ന പ്രകൃതക്കാരൻ ആണെന്നും, അത് പതിനഞ്ചുവര്ഷത്തെ ശീലമാണെന്നും, ആര്യയോടും, സുരേഷിനോടും രജിത് ആവർത്തിക്കുന്നതും പ്രേക്ഷകർക്കും മത്സരാർഥികൾക്കും ചിരിയും, ദേഷ്യവും തോന്നിപ്പിച്ചു.
പ്രഭാഷണകലയില്‍ അഗ്രഗണ്യൻ ആണെങ്കിലും രജിത് ഒട്ടുമിക്ക വിവാദങ്ങളിലും എത്തപ്പെട്ട ആളാണ്.ആരോഗ്യ വിദഗ്ധന്‍ എന്ന് അവകാശപ്പെട്ട് അസംബന്ധങ്ങള്‍ വിളമ്പി തിരുവനന്തപുരം വിമന്‍സ് കോളേജില്‍ കൂവല്‍ ഏറ്റുവാങ്ങി മാധ്യമങ്ങളിൽ നിറഞ്ഞ ആളുകൂടിയാണ് രജിത്. എന്തായാലും വന്‍ മേക്കോവറിലാണ് ശ്രീ ശങ്കരാ കോളേജിലെ ബോട്ടണി വിഭാഗം അദ്ധ്യാപകൻ കൂടിയായ രജിത് ബിഗ് ബോസിൽ എത്തിയത്.
Post Your Comments