CinemaLatest NewsMollywoodNEWS

നീ ചെയ്യേണ്ടത് ഇങ്ങനത്തെ സിനിമയല്ല, ആക്ഷനാണ് നീ അതിന് കൊള്ളാം ആ സിനിമയില്‍ ആദ്യ സ്‌ക്രീനിങ്ങില്‍ ഞാനും ആ നടിയുമായിരുന്നു ഉണ്ടായിരുന്നത് ; വെളിപ്പെടുത്തലുമായി പൃഥ്വിരാജ്

എനിക്കെല്ലാം ഒരു രസമായിരുന്നു

 

മലയാളത്തിന്റെ പ്രിയ താരമായി ആക്ഷന്‍ ചിത്രങ്ങളിലൂടെ ആരാധകരുടെ ഹൃദയം കീഴടക്കിയ താരമാണ് പൃഥ്വി രാജ്.അഭിനയത്തിനപ്പുറം സംവിധാനമികവിലും താരത്തിന്റെ കഴിവ് മലയാളികള്‍ കണ്ടും സിനിമാലോകത്ത് തന്റേതായ സ്ഥാനം ഉറപ്പിച്ച താരത്തിന്റെ ഒരു പഴയകാല സംഭവമാണ് ഇപ്പോള്‍ ആരാധകര്‍ ഏറ്റെടുത്തിരിക്കുന്നത്.മലയാളസിനിമയുടെ പ്രിയ താരമായി മാറിയ ഫഹദ് ഫാസില്‍ മലയാളസിനിമയിലേക്ക്ചുവടുവച്ച ചിത്രമായിരുന്നു കൈയെത്തും ദൂരത്ത്. ഫാസില്‍ സംവിധാനം ചെയ്ത ഈ ചിത്രത്തിന് വേണ്ടി തന്നെ സ്‌ക്രീന്‍ ടെസ്റ്റിനു വിളിപ്പിച്ചിരുന്നുവെന്ന് വെളിപ്പെടുത്തിയിരിക്കുകയാണ് പൃഥ്വിരാജ്. ഒരുമാധ്യമത്തിനു നല്‍കിയ അഭിമുഖത്തിനിടെയാണ് നടന്‍ ഇക്കാര്യം പറഞ്ഞത്.

‘എനിക്കെല്ലാം ഒരു രസമായിരുന്നു.’ പൃഥ്വി പറയുന്നു. ‘പന്ത്രണ്ടാം ക്ലാസില്‍ പഠിക്കുമ്പോള്‍ ആലപ്പുഴയിലുള്ള പാച്ചിക്കയുടെ വീട്ടില്‍ പോയി. ഛായാഗ്രഹകന്‍ ആനന്ദക്കുട്ടനും അവിടെ ഉണ്ടായിരുന്നു. സ്‌ക്രീന്‍ ടെസ്റ്റിന് എനിക്കൊപ്പം ഒരു നടി കൂടി ഉണ്ടായിരുന്നു. അന്ന് ഒന്‍പതില്‍ പഠിക്കുന്ന അസിന്‍ തോട്ടുങ്കല്‍. ഞാനും അസിനും ചേര്‍ന്നാണ് അന്ന് സ്‌ക്രീന്‍ ടെസ്റ്റ് ചെയ്യുന്നത്. എല്ലാം കഴിഞ്ഞ് പാച്ചിക്ക പറഞ്ഞു. ഞാന്‍ ഒരു സോഫ്റ്റ് ലവ് സ്റ്റോറി ആണ് ചെയ്യാന്‍ ഉദ്ദേശിച്ചത്. നീ ചെയ്യേണ്ടത് ഇങ്ങനത്തെ സിനിമയല്ല, ആക്ഷനാണ്. നീ അതിന് കൊള്ളാം. അതു കേട്ട് ഞാന്‍ അവിടെ നിന്നും പോന്നു. അതു കഴിഞ്ഞ് പാച്ചിക്ക തന്നെയാണ് രഞ്ജിയേട്ടന്‍ തന്റെ രണ്ടാമത്തെ സിനിമയ്ക്ക് പുതുമുഖത്തിനെ തിരയുന്നു എന്നറിഞ്ഞ് സുകുമാരന്റെ രണ്ടാമത്തെ മകനെ ഒന്നു കണ്ടു നോക്കെന്നു പറഞ്ഞത്. പാച്ചിക്ക പറഞ്ഞ പടം പിന്നീട് ഷാനുവിനെ വച്ച് സംവിധാനം ചെയ്തു. കൈയെത്തും ദൂരത്ത് എന്ന സിനിമ. പിന്നെ എന്നെ അന്ന് കാണാനും നല്ല സൈസ് ഉണ്ടായിരുന്നു. ആ കഥാപാത്രത്തിനു ചേരില്ലെന്നു സംവിധായകന് തോന്നുന്നതില്‍ അത്ഭുതമില്ല.’താരത്തിന്റെ പുതിയ വിശേഷങ്ങള്‍ ഏറ്റെടുത്തിരിക്കുകയാണ് ആരാധകര്‍.

shortlink

Related Articles

Post Your Comments


Back to top button