Election 2019Election NewsIndiaKeralaLatest News

തിരഞ്ഞെടുപ്പ് ഓഫീസര്‍ ടിക്കാറാം മീണയുടെ പ്രവര്‍ത്തനങ്ങളില്‍ നിഷ്പക്ഷത ഇല്ലെന്ന് ബിജെപി

തിരുവനന്തപുരത്തെയും ആറ്റിങ്ങല്‍ മണ്ഡലത്തിലെയും ബിജെപി സ്ഥാനാര്‍ത്ഥികളുടെ പ്രചാരണത്തിനെതിരെ മീണ വളരെ ആസൂത്രിതമായിട്ടാണ് പെരുമാറുന്നതെന്നും എം.ടി.രമേശ്‌ ആരോപിച്ചു.

തിരുവനന്തപുരം: തിരഞ്ഞെടുപ്പ് ഓഫീസര്‍ ടിക്കാറാം മീണയുടെ പ്രവര്‍ത്തനങ്ങളില്‍ നിഷ്പക്ഷത ഇല്ലെന്ന് ബിജെപി സംസ്ഥാന ജനറല്‍ സെക്രട്ടറി എം.ടി.രമേശ്‌ പറഞ്ഞു. എല്‍ഡിഎഫ്, യുഡിഎഫ് സ്ഥാനാര്‍ത്ഥികളോട് ഒരു നയവും ബിജെപിയോട് മറ്റൊരു നയവുമാണെന്നും അദ്ദേഹം ആരോപിച്ചു. മീണയുടെ പ്രവര്‍ത്തങ്ങളില്‍ ബിജെപിയോടുള്ള ശത്രുത വ്യക്തമായി പ്രകടമാകുന്നുണ്ടെന്നും തിരുവനന്തപുരത്തെയും ആറ്റിങ്ങല്‍ മണ്ഡലത്തിലെയും ബിജെപി സ്ഥാനാര്‍ത്ഥികളുടെ പ്രചാരണത്തിനെതിരെ മീണ വളരെ ആസൂത്രിതമായിട്ടാണ് പെരുമാറുന്നതെന്നും എം.ടി.രമേശ്‌ ആരോപിച്ചു.

ആറ്റിങ്ങലിലെ ബിജെപി സ്ഥാനാര്‍ത്ഥിയായ ശോഭാ സുരേന്ദ്രന്‍ നടത്തിയ വിവാദ പ്രസംഗത്തെ കുറിച്ച്‌ അന്വേഷിച്ചു ഉടന്‍ റിപ്പോര്‍ട്ട് നല്‍കണമെന്ന് മുഖ്യ തിരഞ്ഞെടുപ്പ് ഓഫീസര്‍ ആവശ്യപ്പെട്ടിരിക്കുകയാണ്. പിണറായിയുടെ ഓഫീസിന്‍റെയും എകെജി സെന്‍ററിന്‍റെയും ജോലിയാണ് മുഖ്യതിരഞ്ഞെടുപ്പ് ഓഫീസര്‍ ടിക്കാറാം മീണ എടുക്കുന്നതെന്ന ശോഭാ സുരേന്ദ്രന്റെ വിമര്‍ശനത്തിനെതിരെയാണ് നടപടി. പ്രസംഗവും വീഡിയോയും ഏപ്രില്‍ 16 ന് തിരുവനന്തപുരം ബിജെപിയുടെ ഫെയ്സ്ബുക്ക്‌ പേജില്‍ നല്‍കിയിരുന്നു.

Tags

Post Your Comments


Back to top button
Close
Close