കോവളത്ത് കോൺഗ്രസിന് കുത്തുമ്പോൾ താമരയ്ക്ക് വീഴുന്നുവെന്ന വാർത്ത അടിസ്ഥാന രഹിതം: കളക്ടർ വാസുകി

വോട്ടിങ് യന്ത്രത്തിൽ പിഴവെന്ന വാർത്ത അടിസ്ഥാന രഹിതമെന്ന് കളക്ടർ വാസുകി. വാചാ വാർത്ത പ്രചരിപ്പിക്കരുതെന്നും അവർ പറഞ്ഞു. കോവളം നിയമസഭാ മണ്ഡലത്തിലെ ചൊവ്വര 151-ാം നമ്പർ ബൂത്തിൽ വോട്ടിങ് യന്ത്രത്തിൽ ഗുരുതര പിഴവുണ്ടായെന്ന വാർത്ത അടിസ്ഥാന രഹിതമാണ്.

ഒരു സ്ഥാനാർഥിക്ക് വോട്ട് ചെയ്യുമ്പോൾ മറ്റൊരു സ്ഥാനാർഥിക്ക് വോട്ട് പോകുന്നുവെന്നത് സാങ്കേതികമായി അസാധ്യമാണ്. ഇക്കാര്യം പരിശോധിച്ച് ഉറപ്പുവരുത്തിയിട്ടുണ്ട്. ബൂത്തിൽ തടസമില്ലാതെ വോട്ടെടുപ്പ് നടക്കുന്നുണ്ടെന്നും അവർ പറഞ്ഞു. തന്റെ ഫേസ്‌ബുക്ക് പേജിലൂടെയാണ് ഇത് അവർ വ്യക്തമാക്കിയത്.