ദിലീപിനെ നായകനാക്കി നാദിര്‍ഷ ഒരുക്കുന്ന ചിത്രമാണ് ‘കേശു ഈ വീടിന്‍റെ നാഥൻ’. ചിത്രത്തിന്‍റെ ഫസ്റ്റ് ലുക്ക് പോസ്റ്റര്‍ കഴിഞ്ഞ ദിവസം പുറത്തിറങ്ങിയിരുന്നു. അറുപതുവയസ്സിലേറെയുള്ള കഥാപാത്രമായാണ് ചിത്രത്തിൽ ദിലീപ് എത്തുന്നത്. ഫസ്റ്റ് ലുക്ക് പോസ്റ്ററിലെ ദിലീപിന്റെ മേക്കോവര്‍ ഏറെ ചര്‍ച്ചയായിരിക്കുകയുമാണ്. ദിലീപ് ചിത്രത്തിൽ നായികയായെത്തുന്നത് ഉര്‍വശിയാണെന്നതാണ് ഏറെ പ്രത്യേകതയുള്ള കാര്യം.
അതിന് പിന്നിലൊരു കഥയുണ്ട് എന്നതാണ് അത് വ്യത്യസ്തമാക്കുന്നത്. 1991-ൽ സംവിധായകൻ കമൽ ഒരുക്കിയ വിഷ്ണുലോകം എന്ന സിനിമയിൽ അസി.ഡയറക്ടറായിട്ടായിരുന്നു നടൻ ദിലീപിന്റെ സിനിമാപ്രവേശം. കമലിനോടൊപ്പം ഒമ്പതോളം സിനിമകളിൽ അസി.ഡയറക്ടറായി ദിലീപ് പ്രവർത്തിച്ചിട്ടുണ്ട്. 92-ൽ എന്നോടിഷ്ടം കൂടാമോ എന്ന ചിത്രത്തിൽ ചെറിയൊരു കഥാപാത്രം ചെയ്തുകൊണ്ട് സിനിമയിൽ അഭിനയിച്ചുതുടങ്ങി പിന്നീട് നിരവധി ചിത്രങ്ങളിലൂടെയാണ് ഇന്ന് കാണുന്ന ജനപ്രിയനായകനായി വളർന്നത്.
അടുത്തിടെ മനോരമന്യൂസിന് നൽകിയ അഭിമുഖത്തിലാണ് താരം ഇത് വ്യക്തമാക്കിയിരിക്കുന്നത്. ലാലേട്ടൻ-ഉര്‍വശി ഒന്നിച്ചഭിനയിച്ച ചിത്രത്തിന് ക്ലാപ്പടിച്ചാണ് താൻ സിനിമാ ജീവിതം തുടങ്ങിയതെന്നും അതിനാൽ തന്നെ മോഹൻലാൽ, മമ്മൂട്ടി, സുരേഷ് ഗോപി, ജയറാം എന്നിവര്‍ തന്റെ നാല് സീനിയേഴ്സാണ്. അവരോട് ചോദിച്ചാണ് പലതും താൻ ചെയ്തിട്ടുള്ളതെന്നും താരം വ്യക്തമാക്കുകയുണ്ടായി.
വിഷ്ണുലോകം റിലീസായി ഇപ്പോഴിതാ 24 വര്‍ഷങ്ങള്‍ കഴിഞ്ഞ് ഉര്‍വശി ആദ്യമായി ദിലീപിന്റെ നായികയായി അഭിനയിക്കുകയാണ് എന്ന പ്രത്യേകതയുമുണ്ട്. ചിത്രം ഈ വർഷം തീയേറ്ററുകളിലെത്താനായി ഒരുങ്ങുകയാണ്.
Post Your Comments