”വെറുപ്പിക്കലിന്റെ ആശാൻ ആണെങ്കിലും പ്രേക്ഷകരുടെ മനം കണ്ടല്ലോ” ; അടുത്ത പേളിഷിനെ കണ്ടെത്തി രജിത് കുമാർ

ബിഗ് ബോസ് ആദ്യ സീസണിലെ പേളിഷിനെ രണ്ടാം സീസണിലും തിരയുകയായിരുന്നു ആരാധകർ.  എയർഹോസ്റ്റസായ അലസാൻട്രയും മോഡലായ സുജോയും നല്ല ചേർച്ചയെന്നും ഇരുവരും ആകും ഇത്തവണത്തെ പേളിഷ് എന്നുമായിരുന്നു സോഷ്യൽ മീഡിയ കണ്ടെത്തിയത്. ഇത് ശരിവയ്ക്കുന്ന തരത്തിൽ ആയിരുന്നു രജിത് കുമാർ കഴിഞ്ഞ ദിവസം ഷോയിൽ നടത്തിയ പ്രസ്താവന. നീയും അലസാൻട്രയും തമ്മിൽ നല്ല ചേർച്ചയാണെന്നാണ് രജിത് കുമാർ സുജോയോട് വ്യക്തമാക്കിയത്.

ബിഗ് ബോസിൽ അത്യാവശ്യം വെറുപ്പിക്കൽ നടത്തുന്ന താരമാണ് രജിത് കുമാർ. മത്സരത്തിലേ ഒട്ടുമിക്ക ആളുകളോടും വെറുപ്പിക്കുന്ന തരത്തിലാണ് ഷോ തുടങ്ങി മൂന്നു ദിവസം പിന്നിട്ടപ്പോഴേക്കും അദ്ദേഹം നടത്തിക്കൊണ്ടിരിക്കുന്നത്. വെറുപ്പിക്കലിന്റെ ആശാൻ ആണെങ്കിലും സുജോ- അലസാൻട്ര കാര്യത്തിൽ നിങ്ങൾ ഞങ്ങൾ പ്രേക്ഷകരുടെ മനം കണ്ടല്ലോ എന്നാണ് സോഷ്യൽ മീഡിയ ഇപ്പോൾ പറയുന്നത്.

വ്യായമത്തിനിടെ നടന്ന സംഭവം ചൂണ്ടിക്കാട്ടിയാണ് രജിത് സുജോയോട് അലസാൻട്രയെ പറ്റി സംസാരിക്കുന്നത്. അലസാൻട്രയോട് വ്യായമം ചെയ്യാന്‍ താൻ ആവശ്യപ്പെട്ടെങ്കിലും, അവൾ അത് നിഷേധിച്ചില്ലേ എന്നിട്ട് തന്നോട് അഭിപ്രായം ചോദിച്ചില്ലേ അത് അവൾക്ക് നിന്നോട് ഉള്ള താത്പര്യം ഒന്ന് കൊണ്ട് മാത്രം ആണെന്നാണ് രജിത്തിന്റെ അഭിപ്രായം. എന്നാൽ താൻ ഇവിടെ വന്നത് കല്യാണം കഴിക്കാനല്ല എന്നായിരുന്നു സുജോ പ്രതികരിച്ചത്.

അവൾ എയര്‍ ഹോസ്റ്റസ് ആണ്. മാത്രവുമല്ല അവളെ പോലെ നീയും മോഡലാണ്, നിങ്ങളുടെ കമ്യൂണിറ്റിയും ഒന്നാണ്. നിങ്ങളെ ഒന്നിപ്പിക്കാൻ ആണ് ഞാൻ നോക്കുന്നത്. ആ കുട്ടി നിനക്ക് ചേരും എന്നൊക്കെയാണ് രജിത് സുജോയോട് പറയുന്നത്. എന്നാൽ രജിത്തിന്റെ വാക്കിന് മുഖവില സുജോ നല്കിയില്ലെങ്കിലും വരും ദിവസ എപ്പിസോഡുകൾക്കായി പ്രേക്ഷകർ അക്ഷമരായി കാത്തിരിക്കുകയാണ്.