ട്യൂബ് ലൈറ്റ് എന്ന എന്റെ ഇരട്ടപ്പേരിന് പിന്നിൽ ; സായ് പല്ലവി പറയുന്നു

വ്യത്യസ്ഥമായ അഭിനയശൈലിയിലൂടെ ചുരുങ്ങിയ സമയംകൊണ്ട് പ്രേക്ഷക മനസ്സിൽ ഇടംപിടിച്ച നടിയാണ് സായ് പല്ലവി. കഥാപാത്രത്തിന്റെ പ്രാധാന്യം നോക്കിയാണ് താരം സിനിമകൾ തിരഞ്ഞെടുക്കാറുള്ളത്. സമൂഹമാധ്യമങ്ങളിൽ അധികം സജീവമല്ലെങ്കിലും സായ് പങ്കുവെക്കുന്ന ചിത്രങ്ങളും കുറിപ്പുകളും വേഗന്ന് തന്നെ വൈറലാകാറുണ്ട്. ഇപ്പോഴിതാ സായ് പങ്കുവെച്ച പഴയകാല ഓർമ്മകളാണ് ശ്രദ്ധിക്കപ്പെടുന്നത്.

‘ട്യൂബ് ലൈറ്റ്’ എന്ന് ആളുകൾ തന്നെ വിളിക്കാറുണ്ടെന്നും അതിന് കാരണം പലപ്പോഴും തമാശകൾ കേട്ടാലും തനിക്ക് പെട്ടെന്ന് മനസ്സിലാവാത്തത് ആണെന്നും സായ് പല്ലവി പറയുന്നു. “പ്രത്യേകിച്ചും, ഡബ്ബിൾ മീനിംഗ് ജോക്കുകളൊന്നും എനിക്ക് പെട്ടെന്ന് പിടികിട്ടില്ല. ആരെങ്കിലും പറഞ്ഞു തരണം.” അഭിമുഖത്തിനിടെ സായ് പല്ലവി പറഞ്ഞു.

നെറ്റ് ഫ്ളിക്സിന്റെ പുതിയ ആന്തോളജി ചിത്രം ‘പാവ കഥൈകളു’ടെ റിലീസ് കാത്തിരിക്കുകയാണ് സായ് പല്ലവി ഇപ്പോൾ. ‘പാവ കഥൈകളിൽ’ വെട്രിമാരൻ സംവിധാനം ചെയ്ത ‘ഊർ ഇരവ്’ എന്ന ചിത്രത്തിലാണ് സായ് പല്ലവി അഭിനയിക്കുന്നത്.
റാണാ ദഗ്ഗുബാട്ടിയ്ക്ക് ഒപ്പം അഭിനയിക്കുന്ന തെലുങ്ക് ചിത്രമായ ‘വിരാടപര്‍വ്വം’ ആണ് അണിയറയിൽ ഒരുങ്ങുന്ന സായ് പല്ലവിയുടെ മറ്റൊരു ചിത്രം.